ហុងកុង៖ អ្នកនាង Cecilia Cheung នឹងបង្ហាញវត្តមាននៅក្នុងកម្មវិធីសម្តែងចម្រុះរបស់ចិនគឺ Sisters Who Make Waves សាជាថ្មីម្តងទៀតសម្រាប់រដូវកាលទី ២ នេះ។ នាងរក្សាបាននូវរាងដ៏ស្លីមរបស់នាង សូម្បីតែក្រោយពេលសម្រាលកូន ៣ នាក់ហើយក៏ដោយ ប៉ុន្តែតារាស្រីវ័យ ៤០ ឆ្នាំរូបនេះត្រូវបានគេប្រទះឃើញ និងគួរឱ្យភ្ញាក់ផ្អើលជាមួយនឹងភាពខុសប្លែកលើផ្ទៃពោះរបស់នាងនៅក្នុងរូបថតនាពេលថ្មីៗនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅក្នុងរូបថតមួយសន្លឹកដែលនាងបានស្លៀករ៉ូបពណ៌សតឹង ខណៈពេលត្រៀមថតពាណិជ្ជកម្មរបស់នាង ដែលជាថ្មីម្តងទៀតត្រូវបានគូសបញ្ជាក់ថារូបនាងហាក់មានរាងធំបន្តិចនៅលើផ្នែកពោះរបស់នាង។ ជាងនេះទៀតនោះនៅក្នុងឱកាសមួយផ្សេងទៀតនាងត្រូវបានគេប្រទះឃើញក្នុងអំឡុងពេលធ្វើដំណើរទៅកាន់ហាងលក់គ្រឿងទេសដោយពាក់អាវយឺតពណ៌ស្វាយដោយមានផ្ទៃពោះរាងធំ។ បើទោះបីជារូបថតបានជំរុញឱ្យមានការពិភាក្សាថា តើ Cecilia រំពឹងថានឹងមានកូនទីបួនរបស់នាងឬយ៉ាងណានោះ ស្រាប់តែនាងបាននិយាយថានាងបានស្លៀកខោរលុងដែលមានខ្សែក្រវ៉ាត់នៅឯហាងលក់គ្រឿងទេសដែលនាំឱ្យចង្កេះខោឡើងក្រាស់ប៉ោងឡើងតែប៉ុណ្ណោះ។
អ្នកនាង Cecilia បានប្រើបណ្តាញសង្គមរបស់នាងដើម្បីបញ្ជាក់ឱ្យកាន់តែច្បាស់អំពីពាក្យចចាមអារ៉ាមនៃការមានផ្ទៃពោះរបស់នាងដោយបានបង្ហោះរូបថតរបស់នាងនៅពេលនាងពាក់អាវរលុង។ ហើយនៅពេលប៉ះទប់នឹងខ្យល់ផ្នែកផ្ទៃពោះរបស់នាងហាក់ដូចជារាបស្មើ។ ក្រោយមកនាងក៏បានបង្ហោះវីដេអូហាត់ប្រាណដែលបង្ហាញថានាងរត់បានប្រហែល ២ ម៉ោងផងដែរ៕
បើចង់ជ្រាបច្បាស់ សូមទស្សនារូបភាពខាងក្រោម៖
ប្រភព៖ Jayne Stars