គួរឲ្យស្រណោះ!​ ទិដ្ឋភាពថ្ងៃឆ្លងខួបកំណើត ៨៨ឆ្នាំ ទេវនាដនិម្មិត ឯម ធាយ បានត្រឹមសម្រាន្តមួយកន្លែង (មានវីដេអូ)

រាជធានីភ្នំពេញ ៖ ពិតណាស់ លោកយាយ ឯម ធាយ បានបណ្តុះបណ្តាលសិល្បៈរបាំបុរាណខ្មែរ ឲ្យលេចរូបរាងឡើងដូចពេលបច្ចុប្បន្ន បានលះបង់កម្លាំងកាយចិត្ត សាបព្រោះ ក្មេងៗជំនាន់ក្រោយអស់ពីពោះ ដើម្បីរក្សាកេរ្ត៍ដំណែលបុរាណខ្មែរឲ្យបានគង់វង្ស ឲ្យនៅតែមានព្រលឹងដល់កូនខ្មែរ ក្រោយៗទៀត បានដឹង បានឃើញ ភាពអស្ចារ្យនូវរបាំបុរាណខ្មែរ ដោយសារ ទំហំការលះបង់អស់ពីចិត្ត អស់ពីថ្លើមនេះហើយ ទើបធ្វើឲ្យលោកយាយ បានទទួលងារជា មរតកមនុស្សរស់ពី ព្រះមហាក្សត្រខ្មែរ។

ទន្ទឹមនឹងនេះ ក្នុងឋានៈជាគ្រូសិល្បៈរបាំខ្មែរ លោកយាយ ឯក ធាយ មិនត្រឹមតែមាននាទីបណ្តុះបណ្តាល សិស្ស និស្សិតប៉ុណ្ណោះទេ តែលោកយាយ បានបង្ហាត់បង្រៀនកូនៗ ចៅៗ ឲ្យចេះច្រៀង ឲ្យចេះរាំ គ្រប់ៗគ្នា ។ 

គួរបញ្ជាក់ផងដែរថា ថ្មីៗនេះ ជាថ្ងៃចម្រើនព្រះជន្មគ្រប់ ៨៨ឆ្នាំរបស់លោកយាយ តែគួរឲ្យស្តាយ លោកយាយលែងមានកម្លាំំង ក្រោកអង្គុយបាន ខណៈចៅៗ កូនៗ បានត្រឹមតែ ដាក់នំ ពីមុខលោកយាយ នៅលើគ្រែ ច្រៀងចម្រៀងរបាំបុរាណខ្មែរ រួមគ្នា តែប៉ុណ្ណោះ៕

បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖