ចក្រភពអង់គ្លេសបានអំពាវនាវឱ្យក្រុមប្រឹក្សាសន្តិសុខអង្គការសហប្រជាជាតិបើកកិច្ចប្រជុំបន្ទាន់មួយស្តីពីស្ថានភាពនៅក្នុងប្រទេសមីយ៉ាន់ម៉ា ដែលក្រុមបាតុករប្រឆាំងរដ្ឋប្រហារត្រូវយោធាសម្លាប់យ៉ាងច្រើនកាលពីថ្ងៃចុងសប្តាហ៍មុន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅថ្ងៃពុធសប្ដាហ៍នេះក្រុមប្រឹក្សាសន្តិសុខអង្គការសហប្រជាជាតិដែលមានសមាជិកទាំង១៥ នឹងចាប់ផ្តើមសម័យប្រជុំបិទទ្វារមួយ ជាមួយនឹងការធ្វើសេចក្តីរាយការណ៍សង្ខេបស្តីពីស្ថានការណ៍នៅមីយ៉ាន់ម៉ា។ លោក Christine Schraner Burgener ជាប្រេសិតពិសេសរបស់អង្គការសហប្រជាជាតិ ដែលត្រូវទទួលបន្ទុកកិច្ចការប្រទេសមីយ៉ាន់ម៉ា។
យ៉ាងណាមិញនៅពុំទាន់ដឹងច្បាស់ថា តើក្រុមប្រឹក្សាសន្តិសុខអង្គការសហប្រជាជាតិ អាចនឹងយល់ព្រមលើសេចក្តីប្រកាសថ្មីមួយនៅចុងបញ្ចប់នៃកិច្ចប្រជុំនេះឬក៏អត់? ខណៈតម្រូវឱ្យមានការឯកភាពគ្នា ក្នុងចំណោមសមាជិកទាំងអស់រួមមានទាំងរុស្ស៊ី និងចិនផងដែរ៕