អង់គ្លេស៖ កាលពីថ្ងៃអាទិត្យ ទី២៨ ខែមីនា ឆ្នាំ២០២១កន្លងទៅ ប៉ូលិសអង់គ្លេសមានការភ្ញាក់ផ្អើលយ៉ាងខ្លាំង នៅពេលពួកគេបានប្រទះឃើញរថយន្ដដឹកទំនិញលើសទម្ងន់មួយគ្រឿង ដែលត្រូវបានឃាត់ទុកនៅស្ថានីយប្រេងឥន្ធនៈមួយកន្លែង ក្នុងទីក្រុង ​Cannock  នៃតំបន់ Staffordshire ។ ហើយរឿងដែលគួរឲ្យភ្ញាក់ផ្អើលថែមទៀតនោះ ក្រោយប៉ូលិសបានសាកសួរទៅអ្នកបើករថយន្ដទើបដឹងថាគាត់ មានត្រឹមតែប័ណ្ណបើកបរបណ្ដោះអាសន្នប៉ុណ្ណោះ។

ជុំវិញករណីនេះ ប៉ូលិសក៏បានបង្ហោះរូបភាពនៃរថយន្ដ ជាមួយនឹងចំណងជើងថា "គ្រាន់តែពេលអ្នកគិត អ្នកដឹងរឿងហ្នឹងអស់ហើយ" និងបន្ថែម ​hashtag ថា #dangerouscondition (ល័ក្ខខ័ណ្ឌគ្រោះថ្នាក់)។ ជាក់ស្ដែងនៅលើរថយន្ដនោះសុទ្ធសឹងតែជាអីវ៉ាន់ និងសម្ភារប្រើប្រាស់យ៉ាងច្រើន ដាក់គរគ្នាដូចភ្នំអីចឹង។

រូបភាពទាំងនេះ ត្រូវបានអ្នកលេងបណ្ដាញសង្គម ចាប់ផ្ដើមចែករំលែកបន្ដភ្លាមៗ ដោយអ្នកខ្លះបាននិយាយបែបលេងសើចថា "មិនដឹងថាខ្ញុំគួរធ្វើឬអត់ទេ ប៉ុន្តែខ្ញុំស្ងើចសរសើរនឹងជំនាញតម្រៀបអីវ៉ាន់របស់គាត់មែនទែន

យ៉ាងណាមិញ ម្ចាស់យានយន្ដផ្ទុកលើសទម្ងន់ខ្លាំងនេះ អាចប្រឈមនឹងការពិន័យជាច្រើន ហើយប្រសិនបើពិនិត្យឃើញថាបានផ្ទុកលើស ៣០ភាគរយនៃទម្ងន់កំណត់នោះ អ្នកបើកបរអាចនឹងត្រូវនាំខ្លួនទៅកាន់តុលាការ និងពិន័យជាប្រាក់៕

សូមទស្សនារូបភាពខាងក្រោម៖

រថយន្ដដែលដឹកលើសទម្ងន់
រថយន្ដដែលដឹកលើសទម្ងន់

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ