ខេត្តកំពង់ឆ្នាំង ៖ មនុស្សម្នាក់បានស្លាប់នៅនឹងកន្លែងកើតហេតុ និង២នាក់ទៀតបានរងរបួសធ្ងន់ និងស្រាលក្នុងហេតុការណ៍គ្រោះថ្នាក់រថយន្ត៣គ្រឿងបានបុកបន្ត កន្ទុយគ្នាកាលពីវេលាម៉ោង១១យប់ថ្ងៃទី ១០ មេសា នៅតាមបណ្តោយផ្លូវជាតិលេខ៥ ត្រង់ចំណុចភូមិអាចារ្យថ្មី ឃុំអណ្តូងស្នាយ ស្រុករលាប្អៀរ ។
តាមប្រភពពីមន្ត្រីនគរបាលចរាចរស្រុករលាប្អៀរ បាននិយាយថា មុនពេលកើតហេតុមានរថយន្តទួរីស ពណ៌ទឹកប៊ិច បើកបរដោយឈ្មោះឯម សំអឿន អាយុ៤៥ឆ្នាំ រស់នៅភូមិចំបក់កន្ទាញ ឃុំតាំងក្រសាំង ស្រុកទឹកផុស បានខូចហើយឈប់អែបចិញ្ចើមផ្លូវ ដោយហៅរថយន្តទួរីសមួយគ្រឿងទៀតមកសណ្តោង តែរថយន្តនោះសណ្តោងមិនរួច ព្រោះមានផ្លូវឡើងចំណោត ប៉ុន្តែបានជួយសាងមនុស្ស។ បន្ទាប់មកបានហៅរថយន្តទួរីសមួយគ្រឿងទៀត មកជួយសណ្តោង ខណៈដែលអ្នកបើកបររថយន្តទួរីស ពណ៌ទឹកប៊ិច ឈ្មោះឯម សំអឿន កំពុងចងខ្សែសណ្តោងនៅចំប្រឡោះកណ្តាល ស្រាប់តែមានរថយន្តធន់ធ្ងន់មួយគ្រឿងទៀតម៉ាកហ៊ីយ៉ាន់ដាយ ដឹកអីវ៉ាន់ពេញមកបុកពីក្រោយរថយន្តទាំងពីរបណ្តាលប៉ើងខ្ទាត ដុតផ្លូវជាតិ ចំំំណែកអ្នកបើកបរដែលកំពុងចងខ្សែសណ្តោងបានស្លាប់នៅនឹងន្លែង ។
ក្នុងហេតុការណ៍នោះកូនប្រុសរបស់អ្នកស្លាប់ ឈ្មោះឯម ម៉ាង អាយុ១៣ឆ្នាំ របួសធ្ងន់ ឯម្នាក់ទៀតឈ្មោះថេន ភេទប្រុស អាយុ៥៥ឆ្នាំ របួសស្រាល។ រថយន្តទាំង៣គ្រឿង ខូចខាតយ៉ាងដំណំ ហើយត្រូវបានសមត្ថកិច្ចយកទៅរក្សាទុកនៅស្នងការដ្ឋានខេត្ត ដើម្បីចាត់ការតាមច្បាប់៕
បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]