រថយន្តល្បឿនលឿនបំផុត របស់ប្រទេសសឹង្ហបុរី ត្រូវបានលក់ក្នុងតម្លៃ ៥.៣លានដុល្លារ

រថយន្តស៊េរីទំនើប ហើយមានល្បឿនលឿន និងថ្លៃបំផុត របស់ប្រទេសសឹង្ហបុរី ត្រូវបានលក់កាលពីថ្ងៃទី១៤ ខែមិថុនា ឆ្នាំ២០១៣ ក្នុងតម្លៃ ៥.៣លានដុល្លារ។

យោងតាមប្រភពព័ត៌មាន The Straits Times បានឲ្យដឹងថា រថយន្តស៊េរីទំនើបម៉ាក “Koenigsegg Agera S Hyper Car” ដែលមានល្បឿនលឿនបំផុត រហូតដល់ទៅ ៤២០គីឡូម៉ែត្រក្នុងមួយម៉ោង ត្រូវបានលក់ក្នុងតម្លៃ ៥.៣លានដុល្លារ។

ជាមួយគ្នានេះដែរ ការដាក់តាំងលក់រថយន្តមួយនេះ ត្រូវបានធ្វើឡើងនៅក្នុងសណ្ឋាគារ Ritz-Carlton ស្ថិតក្នុងប្រទេសសឹង្ហបុរី ហើយបានអញ្ជើញភ្ញៀវកិតិ្តយស និងភ្ញៀវពិសេស (VIP) ចំនួន ២០០នាក់ ដើម្បីចូលរួមក្នុងកម្មវិធីនោះ។

គួរបញ្ជាក់ផងដែរថា រថយន្តស៊េរី Agera S នេះមានតែ ៣គ្រឿងប៉ុណ្ណោះ នៅលើពិភពលោក ដែលមាននៅក្នុងប្រទេសអាមេរិក ១គ្រឿង ហុងកុង ១គ្រឿង និងនៅសឹង្ហបុរី ១គ្រឿង៕

ដោយ ៖ ប៊ី

ខ្មែរឡូត