ប្លែកភ្នែក! គំនូរប៉ាក់សរសៃសូត្រ នៅប្រទេសវៀតណាម កំពុងទទួលបានការចាប់អារម្មណ៍យ៉ាងខ្លាំង

វៀតណាម៖ សិល្បប៉ាក់សរសៃសូត្រនៅក្នុងប្រទេសវៀតណាម បានទទួលការចាប់អារម្មណ៍យ៉ាងខ្លាំង បន្ទាប់ពីវិចិត្រករ ០២រូប សម្រេចបញ្ចូលជំនាញពួកគេ ហើយបង្កើតបានគំនូរប៉ាក់យ៉ាងល្អប្រណិត។

ហាងប៉ាក់សូត្រ XQ Dalat ត្រូវបានបង្កើតឡើងនៅក្នុងឆ្នាំ ១៩៩៦ ដោយអ្នកនាង Hoang Le Xuan ជាអ្នកប៉ាក់សូត្រដ៏ប៉ិនប្រសប់ ជាមួយនឹងស្វាមីរបស់នាង លោក Vo Van Quan ជាវិចិត្រករគំនូរ។ ទាំង ០២នាក់ ពួកគេបានបង្កើតគំនិតថ្មីមួយ គឺគំនូរប៉ាក់សូត្រ ដែលរំលេចឱ្យឃើញពីភាពរស់រវើកនៃគំនូរប៉ាក់នីមួយៗ ហើយបានទាក់ទាញចំណាប់អារម្មណ៍អតិថិជនជាច្រើននាក់ ធ្វើឱ្យ XQ Dalat ដែលធ្លាប់តែជាអាជីវកម្មបែបគ្រួសារ បានជោគជ័យក្នុងប្រទេស រហូតដល់ថ្នាក់អន្តរជាតិ។ យ៉ាងណាមិញ មិនថារូបគំនូរបែប ផ្កា ផ្ទាំងគំនូរទេសភាព ឬផ្ទាំងគំនូរបែបលម្អិតយ៉ាងណាទេ XQ Dalat នៅតែអាចនាំយកគំនូរប៉ាក់សូត្របានយ៉ាងល្អឥតខ្ចោះ។

គួរជម្រាបថា បច្ចុប្បន្ននេះ ក្រុមហ៊ុន XQ Dalat មានបុគ្គលិកប៉ាក់សូត្រជំនាញៗជាង ៣,០០០នាក់ សម្រាប់ផ្គត់ផ្គង់តម្រូវការអតិថិជនទូទាំងពិភពលោក ហើយម៉្យាងទៀត ក្រុមហ៊ុននេះនៅតែឈានមុខគេក្នុងតំបន់អាស៊ី ទោះបីមានដៃគូរប្រគួតប្រជែងច្រើនក៏ដោយ៕