ខ្សែភាពយន្ត Live-Action របស់ Sony Picture ចេញចំណងជើងជាផ្លូវការហើយ (មានវីដេអូ)

បរទេស៖ ក្នុងរយៈពេលជាងពីរទសវត្សរ៍សមកហើយនៃប្រវតិ្តសាស្រ្តរបស់ Resident Evil បានប្រមូលផ្តុំអ្នកគាំទ្រជាច្រើន និងស្មោះស្ម័ត្រចូលចិត្តជាមួយនឹងហ្គេមវីដេអូល្បីចំនួន ២៤ ហ្គេមនិងខ្សែភាពយន្តចំនួន ៦ ដែលមាន Milla Jovovich សម្ដែងជា Alice ដែលជាតួឯក (main character) ។ បើទោះបីជាខ្សែភាពយន្ត Resident Evil ទាំង៦ ដែលមានវត្តមានរបស់តារាសម្ដែងស្រីដ៏ឆ្នើម Milla Jovovich ទទួលប្រាក់ចំណេញពីការលក់សំបុត្របានរាប់រយលានដុល្លាយ៉ាងណាក្ដីក៏ខ្សែភាពយន្តបែប Sequel ទាំងនោះពុំទទួលបានការកោតសរសើរពីសំណាក់ហ្វេនអ្នកគាំទ្រវីដេអូហ្គេម Resident Evil ឡើយ។

ពោលគឺត្រូវបានរងការរិះគន់ពីពួកគេដោយសារតែខ្សែភាពយន្ត Live-Action ទាំង៦នោះវាមានភាពនិ ងលក្ខណៈខុសស្រឡះពីសាច់រឿងដើមពេកនោះគឺខុសសាច់រឿងនៅក្នុងវីដេអូហ្គេមដ៏ល្បីគឺ Resident Evil នេះឯងដែលមានតួអង្គឯក (Main Character) សំខាន់ៗដូចជា៖ Leon S. Kennedy, Chris Redfield, Jill Valentine និង Claire Redfield បែរជាយក Alice ជាតួអង្គបង្កើតថ្មីជាតួអង្គឯក (Main Character) តាំងពី២០០២ ទៅវិញ។ ដែល Leon ជាតួអង្គសំខាន់មួយក្នុងចំណោមតួអង្គទាំងអស់នោះដែលពុំមានវត្តមាននៅក្នុង Resident Evil ទាំង៦នោះខណៈ Chris, Jill, Claire និង Ada Wong មានវត្តមានក្នុងខ្សែភាពយន្តទាំង៦ ​ជាហេតុធ្វើឱ្យហ្វេនមិនពេញចិត្តឡើយដោយគ្មានវិត្តមានរបស់ Leon។

យ៉ាងណាមិញ វាជាដំណឹងដ៏ល្អបំផុតសម្រាប់អ្នកគាំទ្រជាច្រើនរបស់ Resident Evil នេះជាថ្មីគឺខ្សែភាពយន្តនេះត្រូវបានបានគេផលិតសាជាថ្មី (Reboot) ទាំងមូលនៃខ្សែភាពយន្តយីហោ Resident Evil ទាំងអស់នេះហើយវាត្រូវបានគេប្រកាសថាវានឹងផ្សារភ្ជាប់ជាមួយនឹងសាច់រឿងដើមរបស់ Resident Evil នេះគឺមានន័យថាគេនឹងផលិតខ្សែភាពយន្តនេះដោយយកលំនាំតាមវីដេអូហ្គេម Resident Evil នេះឯង។ តែទោះជាយ៉ាងណាក៏ដោយមកដល់ថ្ងៃទី២៣ ខែមីនា ឆ្នាំ២០២១​ថ្មីនេះខ្សែភាពយន្ត Reboot របស់ Resident Evil នេះទើបត្រូវបានក្រុមហ៊ុន Sony Picture បង្ហាញឈ្មោះក៏ដូចជាចំណងជើងជាផ្លូវការហើយគឺ «Resident Evil : Welcome to Reccoon City» ដែលមានអ្នកសរសេរ Screenplay ដោយលោក Greg Russo ដែលមានស្នាដៃក្នុងខ្សែភាពយន្តដែលប្រិយមិត្តជាច្រើនទទ្ទឹងរង់ចាំគឺ Mortal Kombat រីឯ Resident Evil Reboot នេះមានអ្នកដឹកនាំរឿងដោយលោក Johannes Roberts ជាអ្នកដែលមានបទពិសោធន៍ដឹកនាំរឿងប្រភេទរន្ធត់ជា (Horror) ច្រើន។

យោងតាមការប្រកាសរបស់ Sony Picture ខ្សែភាពយន្ត Resident Evil : Welcome to Reccoon City នឹងចាក់បញ្ចាំងនៅក្នុងរោងកុននៅថ្ងៃទី ៣​ ខែកញ្ញា ឆ្នាំ២០២១ ឆាប់ៗខាងមុខនេះ ជាមួយនឹងតារាសម្ដែងដូចជា Kaya Scodelario សម្ដែងជា Claire Redfield រីឯ Hannah John-Kamen លេងរឿងជា Jill Valentine ចំណែក Robbie Amell និងក្លាយទៅជា Chris Redfield ចុងក្រោយគឺតួអង្គ Leon S. Kennedy ត្រូវបានធ្លាក់មក Avan Jogia ជាអ្នកសម្ដែងជាមួយនឹង Neal McDonough សម្ដែងជា William Birkin រីឯ​ Lily Gao ជា Ada Wong ផងដែរ៕