ធ្លាប់តែឃើញក្នុងទូរទស្សន៍ តែសម្រស់ក្រៅឆាក ពិធីការិនីល្បីទាំងនេះ ស្អាតមិនបាច់និយាយ

រាជធានីភ្នំពេញ ៖ ពិតណាស់ ពិធីការិនីទាំំង៤ដួងនេះ កំពុងតែឆក់យកបេះដូងអ្នកគាំទ្រ មិនស្ទើរទេ ក៏ព្រោះតែ ទេពកោសល្យយ៉ាងប៉ិនប្រសប់ ក្នុងអាជីពជាពិធីការិនី ទាំងការនិយាយស្តី ទាំំងអាកប្បករិយា សុទ្ធតែសាកសមជានារីខ្មែរជាខ្លាំង មិនតែប៉ុណ្ណោះ បូករួមនឹងទឹកមុខ ស្រគត់ស្រគុំ សុភាពរាបសា កាន់តែធ្វើឲ្យពិធីការិនីទាំង៤រូបនេះ បានក្លាយជាពិធិការិនី ដែលផ្ទុះប្រជាប្រិយភាពជាខ្លាំង។

ទន្ទឹមនឹងនេះ មិនត្រឹមតែមានទេពកោសល្យនោះទេ តែតារាស្រីទាំងនេះ ក៏មានសម្រស់ស្រស់ស្អាតមិនធម្មតាប៉ុន្មានដែរ គួរបន្ថែមថា ធ្លាប់តែឃើញអ្នកទាំំង៤ កាន់តែមីក្រូហ្វូននិយាយតែក្នុងកញ្ចក់ទូរទស្សន៍ តែប្រសិនបើក្រឡេកទៅមើលសម្រស់ក្រៅឆាករបស់ពួកគេវិញ ឃើញហើយស្ទើរមិនគួរឲ្យជឿថា ជាពិធីការិនីដែលយើងធ្លាប់បានឃើញជាញឹកញយនៅលើកញ្ចក់ទូរទស្សន៍រាល់ថ្ងៃនេះដែរ។

គួរបញ្ជាក់ថា មហាជនប្រាកដជាប្លែកភ្លែកមិនខាន ដោយសារតែ ការរៀបចំតុបតែងខ្លួនខាងក្រោយឆាក សាមញ្ញៗ ផ្ទៃមុខតុបតែងតិចៗ សម្លៀកបំពាក់ធម្មតាសោះ តែពិធីការិនីទាំង៤រូបនេះ នៅតែគួរឲ្យស្រលាញ់ដដែល៕

បើចង់ដឹងឲ្យកាន់តែច្បាស់ទៀតនោះ ថាអ្នកទាំង៤រូបនោះជានរណា តោះទៅមើលរូបភាពខាងក្រោម ៖

១. ពិធីការិនី ហ៉ិន ច័ន្ទនីរ័ត្ន ជាពិធីការិនីល្បីឈ្មោះក្នុងស្ថានីយទូរទស្សន៍ប៉ុស្តបាយ័ន្ត។ 

២.ពិធីការិនី ហេង កែវនីតា ជាពិធីការិនីកំពុងផ្ទុះប្រជាប្រិយភាពក្នុងស្ថានីយទូរទស្សន៍បាយ័ន្ត។ 

៣.ពិធីការិនី កែវ ផល្លីកា ជាពិធីការិនីរូបស្រស់កំពុងទទួលការចាប់អារម្មណ៍ខ្លាំង ក្នុងស្ថានីយទូរទស្សន៍បាយ័ន្ត។ 

៤.ពិធីការិនី ឃីម រីយ៉ា ជាពិធីការនីទទួលការសរសើរពីមហាជនខ្លាំង ក្នុងស្ថាន័យប៉ុស្តទូរទស្សន៍ ភីអ៊ិនអ៊ិន