ណុប បាយ៉ារិទ្ធ សម្តែងការបារម្ភចំពោះប្រជាជនខ្មែរ កំពុងតែរងការគម្រាមកំហែងពីវីរុសកូវីដ១៩

ស្ថិតក្នុងស្ថានភាពជាអ្នកជំងឺកូវីដ១៩ម្នាក់ ឲ្យតែឮ​សម្លេងឡានពេទ្យម្តងៗ ក្នុងចិត្តគិតហើយ មកព្រមគ្នាជាមួយដង្ហើមធំ មិនដឹងថាថ្ងៃនេះបងប្អូនណាខ្លះឆ្លង? ហើយឆ្លងប៉ុន្មាននាក់?
សូមបងប្អូនបន្តកិច្ចការពារ ៣ការពារ ៣កុំ ដាច់ខាតកុំមើលស្រាលឲ្យសោះ ប្រយ័ត្នឲ្យខ្លាំងទើបគេចផុត ។ ក្រៅពីប្រុងប្រយ័ត្នសូមពង្រឹងផ្នែកស្មារតីឲ្យរឹងមាំ កុំតក់ស្លុតពេក កុំឲ្យខ្លួនឯងបាត់ម្ចាស់ការឲ្យសោះ មនុស្សគ្រប់រូបដែលមានជីវិតគឺ កាយចិត្តផ្សាផ្ជាប់គ្នា បើចិត្តរឹងមាំ កាយនឹង រឹងមាំទៅតាមដូចគ្នា បើចិត្តតក់ស្លុតទន់ជ្រាយ រាងកាយនឹង ទ្រន់ជ្រាយទៅតាមចិត្តរបស់យើងមិនខាន ។
ក្រៅពីការព្យាយាមការពារខ្លួនឯង គ្រួសារ និងមនុស្សជាទីស្រលាញ់ សូមបងប្អូនពង្រឹងស្មារតី ព្រោះស្មារតីគឺសំខាន់ណាស់ នរណាៗក៍ភ័យខ្លាចដែរ តែកុំភ័យខ្លាចដល់ដេកដួល នោះទោះបងប្អូនមិនឈឺសោះក៍អាចនឹង ប៉ះពាល់ដល់សុខភាពដែរ ។
ដូច្នេះសូមបងប្អូនរឹងមាំ ហើយបង្កើនសម្លេងផ្សព្វផ្សាយស្តីពីការការពារឲ្យបានច្រើន ​កុំមើលស្រាលជាមួយជំងឺកូវីដ១៩ ។
សូមជូនពរបងប្អូនឲ្យមានសុខភាពមាំមួន យកឈ្នះកូវីដ១៩ឲ្យបាន ។
រួមកម្លាំងដើម្បីកម្ចាត់មេរោគនេះពីកម្ពុជាយើងឲ្យបាន