រថយន្តកង់បីអគ្គិសនី ដែលលឿនជាងគេបំផុតលើពិភពលោក បានបង្ហាញរូបរាង និងគ្រោងចេញលក់ក្នុងពេលខាងមុខ (មានវីដេអូ)

បរទេស៖ រកឯណាបាន រថយន្តកង់បីដែលអាចឈានដល់ល្បឿន60ម៉ាយល៍ក្នុងមួយម៉ោង (96Km ក្នុងមួយម៉ោង) ក្នុងរយៈពេលតែ1.8វិនាទីនោះ តែក្រុមហ៊ុន Daymak មានរថយន្តអគ្គិសនីប្រភេទនេះសម្រាប់ដាក់លក់ក្នុងពេលខាងមុខ។

ក្រុមហ៊ុននេះបានកំពុងរៃអង្គាសប្រាក់ (crowdfunding) លើរថយន្តអគ្គិសនី Spiritus ដែលមានកៅអីអង្គុយចំនួនពីរ។ គេសង្ឃឹមថានឹងទទួលបានការបញ្ជាទិញ pre-order ចំនួន5ម៉ឺនគ្រឿងសម្រាប់រថយន្តនេះ ដែលមានបន្ទះសូឡាសម្រាប់សាកថ្ម និងប្រព័ន្ធ regeneration system រួមទាំងឧបករណ៍សាកថ្មឥតខ្សែផ្ទាល់ខ្លួនផងដែរ។

ការកក់ប្រាក់100ដុល្លារជាមុន វានឹងធានាអ្នកទិញនូវតម្លៃទាបជាង នៅពេលដែលរថយន្ត EV នេះដាក់លក់។ តែសម្រាប់ Ultimate model របស់រថយន្តនេះវិញ វាចាប់ផ្តើមពីតម្លៃ149,000ដុល្លារនិងរត់បានចម្ងាយ 480គីឡូម៉ែត្រ។ យោងទៅតាមក្រុមហ៊ុន Daymak វានឹងក្លាយជារថយន្តកង់បី ដែលលឿនជាងគេនៅលើពិភពលោក។ កំណែពិសេស ឬ Deluxe version អាចរត់ដល់ចម្ងាយ300គីឡូម៉ែត្រ ហើយវាចាប់ផ្តើមពីតម្លៃ19,995ដុល្លារ។

យុទ្ធនាការរៃអង្គាសប្រាក់ crowdfunding គ្រោងនឹងបញ្ចប់នៅថ្ងៃទី23 ខែកក្កដា ហើយផលិតកម្មរថយន្តប្រភេទនេះ នឹងចាប់ផ្តើមនៅឆ្នាំ2023៕