ធនាគារជាតិនៃកម្ពុជា និងក្រសួងសេដ្ឋកិច្ច ហរិញ្ញាវត្ថុ អំពាវនាវឲ្យ ក្រុមហ៊ុនអភិវឌ្ឍអចលវត្ថុ ពិនិត្យមើលចំណុចទាំង៥នេះ

រាជធានីភ្នំពេញ ៖ ពិតណាស់ ដោយសារតែ ការមើលឃើញពីជីវភាពរស់នៅប្រចាំថ្ងៃរបស់ប្រជាជន ហាក់មានបញ្ហាបន្តិចបន្តួចក្នុងការរកប្រាក់ចំណូល ក្នុងរយៈពេល ការរីករាលដាលកាន់តែខ្លាំងឡើងនៃ ព្រឹត្តិការណ៍សហគមន៍ ២០កុម្ភៈ ដែលជះឥទ្ធិពលលើ ការបង់រំលោះអចលវត្ថុនោះ ពេលនេះ ធនាគារជាតិនៃកម្ពុជា និង ក្រសួងសេដ្ឋកិច្ចនិងហរិញ្ញវត្ថុ បានអំពាវនាវនិងលើកទឹកចិត្តទៅ ក្រុមហ៊ុនអភិវឌ្ឍអចលវត្ថុ លើចំណុចទាំង៥នេះ។

គួរបញ្ជាក់ផងដែរថា ចំណុចទាំំង៥ នេះ ត្រូវបានសម្រេច ក្រោយមានការប្រជុំស្តីពី បញ្ហាអចលវត្ថុនៅកម្ពុជា ក្នុងបរិបទនៃការរីករាលដាលនៃជំងឺកូវីដ ក្រោមអនុសាសន៍ដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុនសែន នាយករដ្ឋមន្ត្រីនៃកម្ពុជា ដែលក្នុងនោះមានដូចតទៅ ៖

១.ពិនិត្យពីលទ្ធភាពបន្ធូរបន្ថយលក្ខខណ្ឌបង់រំលស់ទៅតាមស្ថានភាពជាក់ស្តែងរបស់អតិថិជន

២.លើកលែងការផាកពិន័យចំពោះ អ្នកទិញអចលវត្ថុក្នុងបុរី និងអគារសហកម្មសិទ្ធិនានា ក្នុងករណីដែលអ្នកទិញយឺតយ៉ាវមិនបានបង់រំលស់ប្រាក់ តាមការកំណត់

៣.មិនត្រូវមានបន្ទុកការប្រាក់ ឬជាប់ការពិន័យបន្ថែម ចំពោះ ការយឺតយ៉ាវក្នុងបង់ប្រាក់រំលស់

៤.ដាក់ចេញនូវ គោលនយោបាយគាំពារនានា ដល់អតិថិជនរបស់ខ្លួន លើការបង់រំលស់អចលនវត្ថុក្នុងបុរី និងអគារសហកម្មសិទ្ធិនានា

៥.អនុវត្តវិធានការនេះ ឲ្យមានប្រសិទ្ធិភាព រហូតដល់ដំណាច់ខែមីនា ២០២២៕

បើចង់ដឹងឲ្យកាន់តែច្បាស់ទៀតនោះ តោះទៅមើលរូបភាពខាងក្រោម ៖