អុីស្លង់៖ ភ្នំភ្លើង Fagradals នៅភាគនិរតីនៃប្រទេសអុីស្លង់បានលង់លក់អស់រយៈពេល ៦០០០ ឆ្នាំហើយ។ ប៉ុន្តែនៅយប់ថ្ងៃសុក្រ បន្ទាប់ពីមានការរញ្ជួយដីជាច្រើនសប្តាហ៍នៅក្នុងតំបន់នោះ ភ្នំភ្លើងក៏ចាប់មានសកម្មភាពឡើងវិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការផ្ទុះនេះគឺជាលើកដំបូងក្នុងឧបទ្វីប Reykjanes ជាកន្លែងដែលភ្នំភ្លើងស្ថិតនៅ បានឆ្លងកាត់ការផ្ទុះនេះរយៈពេល ៧៨១ ឆ្នាំហើយ។
វីដេអូនៃការផ្ទុះនេះបង្ហាញពីកម្អែភ្នំភ្លើង ដែលកំពុងសាយភាយចេញពីផែនដីធ្វើឱ្យមានពន្លឺ និងងងឹតអួរអាប់នៅពេលយប់។ យោងតាមសារពត៌មាន The Associated Press និងរូបភាពនៃពន្លឺបានអោយដឹងថាពន្លឺពីកម្អែភ្នំភ្លើងអាចត្រូវបានគេមើលឃើញមានចម្ងាយ ២០ ម៉ាយល៍ពីទីក្រុង Reykjavík។
ប៉ូលីសអុីស្លង់បានសរសេរលើអុីនធើណេតកាលពីថ្ងៃសុក្រថា ប្រជាជនត្រូវនៅក្នុងផ្ទះ និងបិទទ្វារដើម្បីការពារការបំពុលពីឧស្ម័ន។ យោងតាមទីភ្នាក់ងារការពារបរិស្ថានសហរដ្ឋអាមេរិកឱ្យដឹងថា នៅពេលភ្នំភ្លើងផ្ទុះឡើង ភ្នំភ្លើងនឹងបញ្ចេញឧស្ម័នដែលអាចបង្ករគ្រោះថ្នាក់ជាច្រើនរួមមាន៖ ស្ពាន់ធ័រឌីអុកស៊ីត កាបូនឌីអុកស៊ីត និងហ្វ្លុយអូរីហ្វ្រីដ។
ការិយាល័យឧតុនិយមអុីស្លង់បាននិយាយនៅព្រឹកថ្ងៃសៅរ៍នេះថា ការបំពុលពីការផ្ទុះនេះ “មិនត្រូវបានគេរំពឹងថានឹងបង្កឱ្យមានការមិនស្រួលច្រើនសម្រាប់មនុស្សទេលើកលែងតែអ្នកនៅជិតប្រភពនៃការផ្ទុះនេះ”។
នៅលើគេហទំព័រការិយាល័យរបស់ខ្លួនបាននិយាយថា មិនមានផេះភ្នំភ្លើងត្រូវបានរកឃើញទេ ប៉ុន្តែកម្រិតខ្ពស់នៃឧស្ម័នភ្នំភ្លើងត្រូវបានគេវាស់នៅជិតកន្លែងផ្ទុះ។ អ្នកវិទ្យាសាស្ត្រនិងមន្ត្រីជំនាញកំពុងតាមដានការបំភាយឧស្ម័នយ៉ាងយកចិត្តទុកដាក់។
នៅព្រឹកថ្ងៃសៅរ៍ការិយាល័យឧតុនិយមអុីស្លង់បានរាយការណ៍ថា សកម្មភាពភ្នំភ្លើងបានថយចុះខ្លះចាប់តាំងពីល្ងាចថ្ងៃសុក្រ។ អ្នកវិទ្យាសាស្ត្រនៅនាយកដ្ឋាននេះមិនបានលើកឡើងពីការព្រួយបារម្ភជាចម្បងសម្រាប់ប្រជាជននៅតំបន់នោះទេ ព្រោះតំបន់ភ្នំភ្លើងមានទំហំតិចជាង ១ គីឡូម៉ែត្រក្រឡា។ យោងតាមការិយាល័យបានឱ្យដឹងថាការប្រេះស្រាំដែលអាចផ្ទុះបាន គឺស្នាមប្រេះនៅលើផ្ទៃផែនដីដែលចេញពីកម្អែលភ្នំភ្លើងមានប្រវែងប្រមាណពី ៥០០ ទៅ ៧០០ ម៉ែត្រ។
ការិយាល័យខាងលើបានសរសេរនៅលើគេហទំព័រធ្វីតធ័រថា "ប្រភពបញ្ចេញកម្អែលភ្នំភ្លើងគឺតូចហើយចរន្តកម្អែលវា គឺគ្រោះថ្នាក់ណាស់ដល់ប្រជាជននៅមូលដ្ឋាន"។
ក្រុមប្រឹក្សាវិទ្យាសាស្ត្រសម្រាប់ការការពារស៊ីវិលបាននិយាយនៅព្រឹកថ្ងៃសៅរ៍នេះថា ពួកគេមិនជឿថាការផ្ទុះនេះគឺជាការគំរាមកំហែងដល់រចនាសម្ព័ន្ធទេ។
ការរញ្ជួយដីតូចមួយបានកើតឡើងប៉ុន្មានម៉ោងមុនពេលភ្នំភ្លើងផ្ទុះឡើង។
ភាគនិរតីអុីស្លង់រងការវាយប្រហារដោយការរញ្ជួយដីរាប់ពាន់ដងចាប់តាំងពីថ្ងៃទី២៤ ខែកុម្ភៈ។ ការរញ្ជួយខ្លះមានកម្លាំង ៣ រ៉ិចទ័រ ឬខ្ពស់ជាងនេះមានន័យថាពួកគេអាចមានអារម្មណ៍ដឹង។ កាលពីថ្ងៃព្រហស្បតិ៍ តែមួយថ្ងៃមុនការផ្ទុះនេះ IMO បានរាយការណ៍ថាមានការរញ្ជួយដីចំនួន ៤០០ ដងក្នុងរយៈពេលប្រហែល ៧ ម៉ោង។ ទោះបីជាមានកម្រិតក៏ដោយ វាគឺជាសកម្មភាពរញ្ជួយតិចជាងបើប្រៀបធៀបទៅនឹងពេលព្រឹកផ្សេងទៀតដែលមានការរញ្ជួយដីប្រហែលជា ១.០០០ ដង៕