ភ្នំពេញ៖ កាលពីថ្មីៗនេះ ក្រសួងសុខាភិបាលបានចេញសេចក្តីប្រកាសអំពីមូលហេតុនៃការស្លាប់ ម្តាយរបស់តារាចម្រៀង វី ឌីណែត ដែលមានអាយុ៦២ឆ្នាំ ក្រោយពីបញ្ជូនទៅបន្ទប់សង្គោះបន្ទាន់បានប្រហែលជាពីរថ្ងៃប៉ុណ្ណោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក ប្រហែលជាប៉ុន្មាននាទីមុននេះ ក្រសួងសុខាភិបាលបានប្រកាសអំពីការស្លាប់របស់ម្តាយ វី ឌីណែត ដោយសារតែជំងឺកូវីដ១៩នេះ បានចូលវៃលុកសួត ធ្វើឲ្យសួតអ្នកជំងឺរលាកខ្លាំងនិង ស្ទះសរសៃឈាមបេះដូង ក្រៅពីនេះទៀត គាត់ក៏មានជំងឺប្រចាំកាយដូចជា ទឹកនោមផ្អែម លើសឈាមនិង ធាត់ខ្លាំងផងដែរ។ យ៉ាងណាមិញ ក្រុមគ្រូពេទ្យបានខិតខំប្រឹងប្រែងយកចិត្តទុកដាក់ជួយដោយអស់លទ្ធភាពហើយ នៅតែមិនអាចជួយសង្គោះគាត់បាន។
ក្រសួងសុខាភិបាល ក៏បានចូលរួមសម្តែងនូវការសោកស្តាយជាអនេក ជាមួយនឹងមរណៈទុក្ខយ៉ាងក្រៀមក្រមជាទីបំផុតជាមួយក្រុមគ្រួសារសព។
គួររម្លឹកដែរថា ម្តាយ វី ឌីណែត គឺជាជនរងគ្រោះទីពីរដែលបានស្លាប់ដោយសារជំងឺកូវីដ១៩ នៅប្រទេសកម្ពុជា៕
សូមចូលទស្សនារូបភាពខាងក្រោម៖