ម្តាយ​របស់​​កញ្ញា វី ឌីណែត ទទួល​មរណភាព​មុន​នេះ​បន្តិច​

ភ្នំពេញ៖ មុននេះបន្តិចនៅលើគណនីហ្វេសប៊ុករបស់កញ្ញា វី ឌីណែត ដែលជាតារាចម្រៀង​ហង្សមាស​បានបង្ហាញ​សារ​បញ្ជាក់​ថា​ម្តាយរបស់នាងបានទទួលមរណភាពហើយ កំឡុងពេលដែលគាត់កំពុងសម្រាកព្យាបាល​ជំងឺកូវីដ១៩​នៅ​មន្ទីរពេទ្យ​មិត្តភាពខ្មែរសូវៀត។

សំណេររបស់កញ្ញា វី ឌីណែត៖

«ខ្ញុំលែងមានម៉ាក់ហៅហេីយ សូមម៉ាក់ទៅអោយបានសុខ ម៉ាក់កុំបារម្មណ៍ណាកូន​នឹងនៅមេីលថែប៉ានឹងអ្នកផ្ទះយេីង កូននឹងរឹងមាំ សូមបីតែមុខជាលេីកចុងក្រោយក៏មិនបានឃេីញ​ ម៉ាក់ឈឺក៏កូនៗមិនអាចទៅមេីលថែបាន ម៉ាក់ខូចហេីយក៏មិនអាចឃេីញសុំបីតែសព ខ្ញុំក៏មិនអាចចេញ​ទៅបាន ចេញទៅធ្វេីបុណ្យអោយម៉ាក់ក៏មិនបាន  សូមអោយវិញ្ញាណក្ខន្ធម៉ាក់ទៅកាន់​សុខគតិភពផងចុះ សូមបងប្អូនទាំងអស់គ្នាប្រុងប្រយ័ត្នជាមួយនឹងជំងឺដ៏​សាហាវនេះ វាលឿនពេកហេីយម៉ាក់អេីយ»។

ទៅជាយ៉ាងណា យើងនៅមិនទាន់ទទួលបានព័ត៌មានលម្អិតជុំវិញការស្លាប់របស់ម្តាយកញ្ញា វី ឌីណែត នៅឡើយទេ ថាតើគាត់ស្លាប់ដោយសារជំងឺកូវីដ១៩ ឬក៏មូលហេតុអ្វីផ្សេង៕