អ៊ីតាលី៖ ខ្សែប្រយុទ្ធ Cristiano Ronaldo មានភាគរយខ្ពស់អាចនឹងវិលត្រឡប់ទៅកាន់ទឹកដីកីឡដ្ឋាន Old Trafford ជាជាងវិលត្រឡប់ទៅលេងនៅក្លិបអធិរាជស Real Madrid ព្រោះពេលនេះ Real Madrid ចង់បានខ្សែប្រយុទ្ធវ័យក្មេងដូចជា Kylian Mbappe ទៅវិញទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមានពាក្យចចាមអារ៉ាមជាច្រើនបានបង្ហើបថា កីឡាករសញ្ជាតិព័រទុយកាល់រូបនេះនឹងចាកចេញពីក្លិបសេះបង្កង់ Juventus នៅរដូវក្ដៅខាងមុខ បន្ទាប់ពីក្លិបមួយនេះធ្លាក់ចេញពីពាន Champions League ក្រោមថ្វីជើងរបស់ក្រុម Porto ដោយ Ronaldo គ្រោងនឹងវិលត្រឡប់ទៅទឹកដី Santiago Bernabeu ដោយ Juventus នឹងដាក់តម្លៃត្រឹមតែ ២៥លានផោន(ស្មើនឹងប្រមាណ៣៤.៧លានដុល្លារ)ប៉ុណ្ណោះ។
ប៉ុន្តែយោងតាមកាសែត TuttoSport បានបង្ហើបឲ្យដឹងថាក្លិបដែល Ronaldo មានភាគរយផ្ទេរទៅខ្ពស់គឺបិសាចក្រហម Manchester United ព្រោះ Real Madrid សម្លឹងឃើញ Mbappe ឬ Haaland ជំនួសវិញ។
Real Madrid មានទស្សនៈវែងឆ្ងាយនិងកំពុងគ្រោងទិញយកខ្សែប្រយុទ្ធ Kylian Mbappe ពីក្លិប Paris Saint-Germain ខណៈដែល Erling Haaland ក៏ស្ថិតក្នុងរ៉ាដារបស់ក្លិបដែរ ។
គួរបញ្ជាក់ផងដែរថា Ronaldo ធ្លាប់រងការរិះគន់យ៉ាងចាស់ដៃពីសំណាក់អ្នកគាំទ្រនិងអ្នកវិភាគបាល់ទាត់ទាំងឡាយពេលរូបគេការពារគ្រាប់បាល់ហ្វ្រីឃីគរបស់ Sergio Oliveira ក្នុងការប្រកួតទល់នឹង Porto មិនបានទើបវាអាចជាកត្តាមួយជំរុញឲ្យកីឡាករម្ចាស់ពាន Ballon D'or ៥សម័យរូបនេះចាកចេញពីទឹកដី អ៊ីតាលី៕
ប្រភព៖ dailymail