អង់គ្លេស៖ លោកគ្រូបង្វឹក Pep Guardiola បានកោតសរសើរខ្សែបម្រើ Ilkay Gundogan ថាគេជាកីឡាករដែលមានភាពឆ្លាតវ័យបំផុតតាមដែលលោកគ្រូធ្លាប់ឃើញ បន្ទាប់ពី Gundogan ស៊ុតមួយគ្រាប់បូកថែមពីលើមួយគ្រាប់បើកឆាករបស់ ខ្សែបម្រើ Kevin De Bruyne ជួយឲ្យ Manchester City ឈ្នះ Borussia Monchengladbach ២ ទល់នឹង០។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជ័យជម្នះនេះបានធ្វើឲ្យក្រុមបានឡើងទៅកាន់វគ្គ៨ក្រុមពាន Champions League បន្តទៀតខណៈដែលក្រុមផ្សេងទៀតដូចជា Real Madrid, Paris Saint-Germain, Liverpool, Borussia Dortmund, Porto សុទ្ធតែបានឡើងដែរ។
នេះជាគ្រាប់បាល់ទី១៥ហើយដែល Ilkay Gundogan រកបាននៅរដូវកាលនេះ ហើយវាពិតជាបានធ្វើឲ្យលោកគ្រូសប្បាយចិត្តនឹងភាពរីកចម្រើនរបស់គេណាស់។
លោកគ្រូ Pep បានថ្លែងបន្ទាប់ពីចប់ការប្រកួតថា៖
គេតែងតែទាក់ទាញគ្រាប់បាល់ជានិច្ចពេលលេងនៅ Dortmund គេជាមនុស្សល្អណាស់ ខ្ញុំមិនភ្លេចពេលវេលាដែលពួកយើងចំណាយរួមគ្នាទេ។ ខ្ញុំគិតថាគេជាកីឡាករដែលឆ្លាតបំផុតតាមដែលខ្ញុំធ្លាប់បង្វឹកមក។ នៅរដូវកាលនេះ គេរកគ្រាប់បាល់បានច្រើនគ្រាន់បើ គេជាកីឡាករមានគុណភាព។ខ្ញុំពិតជាសប្បាយចិត្តនឹងទម្រង់លេងរបស់ Ilkay និងកូនក្រុមដទៃទៀតណាស់។
គួរបញ្ជាក់ដែរថា ទោះ Gundogan លេងក្នុងតំណែងខ្សែបម្រើក៏ពិតមែន ប៉ុន្តែគេរកគ្រាប់បាល់មិនចាញ់ខ្សែប្រយុទ្ធប៉ុន្មានឡើយ ពោលក្នុងរដូវកាលនេះ គេស៊ុតបាន១៥គ្រាប់ឲ្យ Man City ក្នងចំណោម៣៣ប្រកួត គិតរាល់ព្រឹត្តិការណ៍ទាំងអស់៕
ប្រភព៖ metro
Bong I.T