ផ្ទុះ​! ២បទរបស់ ខេមរៈ សិរីមន្ត ទើបចេញបានមួយសប្ដាហ៍ មាន​អ្នក​ចូល​ទស្សនារាប់លានដង (មានវីដេអូ)

ភ្នំពេញ៖ កាលពី ថ្ងៃទី ០៧ ខែមីនា ឆ្នាំ ២០២១ កន្លងផុតទៅថ្មីៗនេះ ផលិតកម្ម រស្មីហង្សមាស បាន​បញ្ចេញ​បទ​ចម្រៀងកន្ត្រឹមសម្រាប់ តារាចម្រៀងដ៏ល្បីរបស់ខ្លួន គឺលោក ខេមរៈ សិរីមន្ត ដើម្បីឱ្យទស្សនិជន ទស្សនា និងរាំ​សប្បាយ ក្នុងពិធីបុណ្យចូលឆ្នាំថ្មីប្រពៃណីខ្មែរ ដោយបទនេះមានចំណងជើងថា “កន្ត្រឹម ខេមរៈ សិរីមន្ត មកវិញ​ហើយ​” និង “ម៉ែខ្ញុំឲ្យយកប្រពន្ធហើយ” ដែលជាការ និពន្ធទំនុកច្រៀង ដោយ ខេមរៈ ភារុណ, និពន្ធបទភ្លេង និង សម្រួលតន្រ្តី ដោយ ឈិត តេងរិទ្ធ។

យើងបានឃើញមានតារាជាច្រើនក្នុងវីដេអូនេះ ដែលមើលទៅសប្បាយរីករាយយ៉ាងខ្លាំង។ បទចម្រៀង ២បទខាងលើនេះ ស្តាប់ទៅពិតជាប្លែកត្រចៀក ទោះស្តាប់ច្រើនដងទៅហើយ ក៏នៅតែពីរោះ ថែមទំាង​ចង់រាំទៀត​ផង។ ក្នុងនោះក្រោយទស្សនិជនទស្សនាវីដេអូចម្រៀងនេះចប់ភ្លាម ធ្វើឲ្យហ្វេនៗជាច្រើន ផ្ទុះការគាំទ្រ និងពេញ​ចិត្តយ៉ាងខ្លាំង សឹងតែមិនគួរឲ្យជឿ រហូតដល់ថ្នាក់មានការចូលទស្សនាយ៉ាងច្រើនគួរឲ្យកក់សំគាល់។

យ៉ាងណាមិញ គិតមកដល់ថ្ងៃនេះត្រឹមតែ១សប្ដាហ៍តែប៉ុណ្ណោះ​ បទ “កន្ត្រឹម ខេមរៈ សិរីមន្ត មកវិញហើយ” មានអ្នកទស្សនារហូតដល់ ២លាន៥សែន ដង និងបទ “ម៉ែខ្ញុំឲ្យយកប្រពន្ធហើយ” មានអ្នកទស្សនា ១លាន៥សែន ដងបាត់ទៅហើយ៕

បទចម្រៀងនេះពិរោះយ៉ាងណានោះ សូមទស្សនាវីដេអូខាងក្រោម៖