អង់គ្លេស៖ យោងតាមការរាយការណ៍ ក្លិបហង្សក្រហម Liverpool កំពុងគិតគូលក់ចេញកីឡាករ៤នាក់របស់ខ្លួនពេលទីផ្សារដោះដូរកីឡាកររដូវក្ដៅនេះបើកទ្វារដើម្បីយកប្រាក់នោះមកពង្រឹងក្រុមនៅរដូវកាលក្រោយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប៉ុន្មានរដូវកាលចុងក្រោយនេះ Liverpool មិនសូវទិញកីឡាករថ្មីៗចូលដូចក្រុមផ្សេងនោះឡើយព្រោះលោកគ្រូបង្វឹក Jurgen Klopp ចូលចិត្តប្រើធនធានកីឡាករដែលមានស្រាប់ក្នុងក្រុមឆ្លាស់គ្នា ខណៈដែលកីឡាករចាស់ៗដែលស្នាក់នៅជាមួយក្រុមបច្ចុប្បន្នភាគច្រើនធ្លាប់លើកពាន Champions League និង Premier League ជាមួយក្លិបរួចហើយដែរ។
ប៉ុន្តែយ៉ាងណាមិញ នៅរដូវកាលនេះ Liverpool កំពុងប្រឈមនឹងសភាពត្រដាបត្រដួសដោយចាញ់ការប្រកួតក្នុងដីខ្លួនឯងដល់ទៅ៦ប្រកួតជាប់ៗគ្នាខណៈពេលនេះក្លិបធ្លាក់មកឈរនៅលេខរៀងទី ៨ដោយមានតែ៤៨ពិន្ទុក្នុងដៃ ដោយចាញ់ក្រុមកំពូលតារាង Manchester City ដល់ទៅ ២៨ពិន្ទុឯណោះ។
យោងតាមសារព័ត៌មាន The Sunday បានបង្ហើបថា Liverpool នឹងលក់ ខ្សែការពារ Joel Matip, Alex Oxlade-Chamberlain, Xherdan Shaqiri និង Divock Origi បើសិនក្លិបណាមួយដាក់សំណើចង់ទិញយកពួកគេ។
Matip បានចូលលេងច្រើនគួរឲ្យកត់សម្គាល់នៅរដូវកាលនេះ ប៉ុន្តែពេលនេះគេបែរជាប្រឈមនឹងបញ្ហារបួសដែលធ្វើឲ្យគេត្រូវសម្រាកក្រៅទីលានដល់ចប់រដូវកាលចំណែកកីឡាករផ្សេងទៀតគឺគ្រាន់តែជាកីឡាករបម្រុងប៉ុណ្ណោះដូច្នេះទោះលក់ពួកគេចេញក៏ Liverpool មិនសូវប្រឈមនឹងបញ្ហានោះដែរ។
បន្ថែមពីលើនេះទៀត ប្រភពមួយបានបង្ហើបថា លុយដែលលក់កីឡាករទាំងអស់នេះ លោកគ្រូបង្វឹក Jurgen Klopp អាចនឹងយកទៅទិញខ្សែការពារ Ibrahima Konate ដែលកំពុងលេងនៅក្លិបគោជល់ RB Leipzig ដែលមានតម្លៃខ្លួនប្រមាណ ៣៤លានផោន(ស្មើនឹងប្រមាណ៤៧.៣លានដុល្លារ) បើទោះបីជាក្លិបបានខ្ចីជើង Ozan Kabak និងទិញយក Ben Davies មកក៏ដោយ៕
ប្រភព៖ express