អង់គ្លេស៖ ក្លិបបិសាចក្រហម Manchester United កំពុងសម្លឹងចង់បានអ្នកចាំទី Nick Pope របស់ក្លិប Burnley និង Robert Sanchez នៃក្លិប Brighton មកជំនួសអ្នកចាំទីដៃទី១ David De Gea ដោយគ្រោងនឹងចរចាទិញយកម្នាក់ក្នុងចំណោមពួកគេនៅទីផ្សារដោះដូរកីឡាករនារដូវក្ដៅនេះហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សDe Gea បានចូលលេងឲ្យក្លិបបាន៤០០ប្រកួតហើយតាំងពីផ្ទេរពី Atletico Madrid មកទឹកដី Old Trafford កាលពីឆ្នាំ២០១១ ដោយបានជួយក្លិប Man UTD ឈ្នះណាន Premier League, Europa League, FA Cup និង EFL Cup ផងដែរ។
ប៉ុន្តែការលេងរបស់អ្នកចាំទីសញ្ជាតិអេស្ប៉ាញរូបនេះរាងធ្លាក់ដៃជាងមុននារយៈពេលប៉ុន្មានខែមកនេះ ជាពិសេសគឺកំហុសភ្លាត់ស្នៀតក្នុងការប្រកួតទល់នឹងក្លិបស្ករគ្រាប់ Everton ដែលធ្វើឲ្យអ្នកវិភាគបាល់ទាត់ទាំងឡាយរិះគន់គេមិនសំចៃមាត់។
យោងតាមការរាយការណ៍ពី Daily Star បានបង្ហើបឲ្យដឹងថា លោកគ្រូបង្វឹក Ole Gunnar Solskjaer អាចនឹងគិតគូយកអ្នកចាំទីថ្មីមកជំនួស De Gea ខណៈដែលពេលនេះរូបគេកំពុងស្នាក់នៅទឹកដីប្រទេសកំណើតអេស្ប៉ាញដោយសារភរិយាទើបតែសម្រាលកូនស្រីដំបូងចំណែកឯអ្នកចាំទី Dean Henderson ដែលជាអ្នកចាំទីដៃទី២នៅមានបទពិសោធន៍តិចតួចមិនទាន់អាចចូលមកជំនួសកន្លែង De Gea បានឡើយ។
Nick Pope ដែលជាអ្នកចាំទីរបស់ Burnley បានទទួលការសាទរពីអ្នកគាំទ្រក្រោយឡើងមកធ្វើជាអ្នកចាំទីដៃទី១ឲ្យក្រុម ហើយពេលនេះ Man UTD កំពុងតាមសង្កេតមើលពីភាពអាចទៅរួចដែលគេមកចូលរួមជាមួយក្លិប។
ទន្ទឹមគ្នានោះ អ្នកចាំទីសញ្ជាតិអេស្ប៉ាញ Robert Sanchez នៃក្លិប Brighton ក៏ស្ថិតក្នុងខ្សែភ្នែករបស់លោកគ្រូ Ole ផងដែរដោយថ្មីៗនេះលោកគ្រូទើបតែឲ្យតម្រុយថា ក្លិបអាចនឹងទិញកីឡាករថ្មីៗមកបន្ថែមទៀតតែត្រូវរង់ចាំមើលស្ថានការណ៍ជាក់ស្ដែងសិន៕
ប្រភព៖ metro