អង់គ្លេស៖ លោកគ្រូបង្វឹក Mikel Arteta បានដាស់តឿន ប្រធានក្រុម Pierre-Emerick Aubameyang ឲ្យចេះគោរពមិត្តរួមក្រុមក្រោយកីឡាករម្នាក់នេះមកយឺតធ្វើឲ្យលោកគ្រូបានដាក់ពិន័យមិនឲ្យចូលប្រកួតទៀតផង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ការពិតទៅ Aubameyang ត្រូវជាប់ជម្រើស១១នាក់ដំបូងក្នុងការប្រកួតរវាង Arsenal ទល់នឹង ក្លិបខ្នាយមាន់មាស Tottenham Hotspur ប៉ុន្តែលោកគ្រូជាមនុស្សម៉ឺងម៉ាត់ណាស់ ដោយសម្រេចដកគេចោលតែម្ដង។
លោកគ្រូបាននិយាយថា៖
ដើម្បីរស់នៅជាមួយគ្នាបាន ពួកយើងត្រូវតែគោរពគ្នា។ ការពិតទៅគេត្រូវជាប់ជម្រើស១១នាក់ដំបូងក្នុងការប្រកួត តែពួកយើងបានដាក់ទោសគេតាមច្បាប់់។ នេះជាការសម្រេចចិត្តរបស់ខ្ញុំបន្ទាប់ពីធ្វើការវិភាគគ្រប់យ៉ាងបានល្អិតល្អន់ហើយ។ ពួកយើងដឹងថា Auba ជាអ្នកណាហើយមានភាពសំខាន់ចំពោះយើងយ៉ាងម៉េចខ្លះ។ ពួកយើងមានកីឡាករច្រើនទៀតដែលអាចចូលលេងបាន ឥលូវនេះពួកយើងបានធ្វើការផ្លាស់ប្ដូរកីឡាករច្រើនណាស់ អ៊ីចឹងហើយវាមិនមែនជាបញ្ហាឡើយ។ ខ្ញុំគិតថាវាជាការសម្រេចចិត្តដ៏ត្រឹមត្រូវប៉ុន្តែពួកយើងបានឈប់គិតពីរឿងនេះហើយព្រោះវាចប់សព្វគ្រប់អស់ហើយ។
នេះមិនមែនជាលើកដំបូងទេដែល ខ្សែប្រយុទ្ធ Pierre-Emerick Aubameyang មកយឺតទើបធ្វើឲ្យផ្ទុះពាក្យរិះគន់លើរូបគេថាគេមិនស័ក្តិសមនឹងតំណែងជាប្រធានក្រុម Arsenal ៕
ប្រភព៖ thesun
Bong I.T