លោកគ្រូ Tuchel ថាទោះកីឡាករម្នាក់នេះមិនសូវបានចូលលេង ក៏រដូវកាលក្រោយគេអាចក្លាយជាប្រធានក្រុម Chelsea បាន

អ្នកកាសែតសួរសំណួរ បើសិន ច្រើនណាស់មកខ្ញុំ ឥលូនេះខ្ញុំឆ្លើយតែម្ដង បើសិនជាគេអាចជាប់ជម្រើស១១នាក់ដំបូង បើសិនគេលេងបានល្អ បើសិនគេអាចជាប់ជម្រើស១១នាក់ដំបូងទល់នឹង Atletico ហើយបើសិនគេអាចរកបាន២គ្រាប់...ប្រហែលគេក្លាយជាប្រធានក្រុម Chelsea នៅឆ្នាំក្រោយហើយ(សើច)។ ខ្ញុំដឹងថាអ្នកចង់មានន័យដល់អ្វី(ការចាកចេញរបស់ Pulisic) ប៉ុន្តែវាលឿនពេកហើយដែលត្រូវនិយាយពីការចាកចេញរបស់គេ។ ពួកយើងនៅសល់ការប្រកួតជាច្រើនទៀតហើយគេក៏ជាកីឡាករដែលស្ថិតក្នុងគម្រោងរបស់ខ្ញុំដែរ។ គេជាកីឡាករសំខាន់ម្នាក់ ហើយគេមានគ្រប់យ៉ាងដែលយើងចង់បាន បើទោះបីជាគេអង្គុយកៅអីបម្រុងឬបានជាប់ជម្រើស១១នាក់ដំបូងក៏ដោយ។ តើគេអាចល្អជាងមុនទេ? ពិតណាស់! នោះជាការងាររបស់ខ្ញុំ ខ្ញុំនឹងមើលថែពួកគេ ព្រោះកីឡាករទាំងអស់របស់ Chelsea ត្រូវនៅស្មើភាពគ្នា ដូច Christian (Pulisic) និងអ្នកឯទៀតនោះឯង។

នៅពេលអ្នកក្លាយជាកីឡាកររបស់ Chelsea អ្នកត្រូវតែអត់ធ្មត់ និងមិនអត់ធ្មត់ក្នុងពេលតែមួយ។ ពួកគេត្រូវតែមិនអត់ធ្មត់ក្នុងការពង្រឹងខ្លួនឯងដើម្បីធ្វើយ៉ាងណាឲ្យបានជាប់ជម្រើស១១នាក់ដំបូង និងមានទឹកចិត្តស្រេកឃ្លានជ័យជម្នះដែលនោះក៏ជាអ្វីដែល Christian បានបង្ហាញដែរ។ ពេលកីឡាករណាមិនត្រូវបានខ្ញុំជ្រើសរើស ពួកគេត្រូវតែអត់ធ្មត់ មិនបាត់បង់ទំនុកចិត្តលើខ្លួនឯងនោះឡើយ។ ខ្ញុំមានអារម្មណ៍ថាប៉ុន្មានថ្ងៃចុងក្រោយមកនេះ គ្មានរឿងអវិជ្ជមានណាមួយកើតឡើងឡើយ គ្រប់យ៉ាងនៅល្អប្រសើរ៕