បរទេស៖ យោងតាមប្រភពព័ត៌មាន BBC បានឱ្យដឹងថា ឧបករណ៍ដែលមានអាយុកាល ២,០០០ ឆ្នាំ ឬត្រូវបានគេហៅថា “កុំព្យូរទ័រ” ចំណាស់ជាងគេបំផុតនៅលើពិភពលោក ឥឡូវនេះអ្នកវិទ្យាសាស្ត្របានចេញមុខបកស្រាយនូវដំណើរការមុខងាររបស់វា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សម៉ាស៊ីន Antikythera បានធ្វើឱ្យអ្នកវិទ្យាសាស្រ្តនៅលើពិភពលោកចាប់អារម្មណ៍យ៉ាងខ្លាំង ដែលមិនគួរឱ្យជឿថា មនុស្សសម័យមុនអាចធ្វើបាន ចាប់តាំងពីវាត្រូវបានគេរកឃើញនៅលើកប៉ាល់លិចនៅប្រទេសកិ្រក ក្នុងឆ្នាំ ១៩០១។ដោយសារតែពេលរកឃើញឧបករណ៍ខាងលើដំបូង គឺសុទ្ធតែជាបំណែកៗ ទើបអ្នកវិទ្យាសាស្រ្តមកពីសាកលវិទ្យាល័យ College London (UCL) សម្រេចប្រើប្រាស់បច្ចេកវិទ្យាទំនើបៗ
នាពេលបច្ចុប្បន្ននេះ គឺកុំព្យូរទ័រ 3D និងប្រព័ន្ធ X-ray ក្នុងការបង្កើតឧបករណ៍ខាងលើថ្មីមួយ ដូចគ្នាដែរ ដើម្បីឱ្យមានភាពងាយស្រួលក្នុងការសិក្សា។
យ៉ាងណាមិញ យោងតាមការសិក្សាស្រាវជ្រាវរបស់ក្រុមអ្នកវិទ្យាសាស្រ្ត បានគូសបញ្ជាក់ថា
ឧបករណ៍នេះត្រូវបានគេជឿថាប្រើប្រាស់ ក្នុងការទស្សន៍ទាយសូរ្យគ្រាស និងព្រឹត្តិការណ៍តារាសាស្រ្តផ្សេងៗទៀត។
ក្នុងនោះ ផ្នែកខាងមុខរបស់វា គឺមានបង្ហាញ ផែនដីនៅចំកណ្ដាលនឹងថ្កល់ ហើយមាន ព្រះច័ន្ទ ព្រះអាទិត្យ
ភពនានាវិលជុំវិញ ចំណែកឯគម្របខាងក្រោយរបស់វាវិញ គឺពិពណ៌នាអំពីចក្រវាឡ និងបង្ហាញពីចលាននៃភពទាំង
៥ ដែលគេស្គាល់នៅពេលនោះ និងនៅពេលឧបករណ៍នេះត្រូវបានបង្កើតឡើងដំបូង៕