ក្នុងទីលានតឹងតែងមែន តែក្រៅទីលានវិញ លោកគ្រូ Tuchel ថានឹងមិនត្រាប់តាមច្បាប់មួយនេះរបស់ Lampard ទេ

អង់គ្លេស៖ តាំងពីចូលមកដឹកនាំ Chelsea តាំងពីខែមករា លោកគ្រូបង្វឹក Thomas Tuchel បានទទួលការសាទរពីអ្នកគាំទ្រព្រោះមកទល់ពេលនេះហើយ លោកគ្រូបានដឹកនាំក្លិបឲ្យស្គាល់ពាក្យថាមិនដែលចាញ់នោះឡើយខណៈដែលកីឡាករមួយចំនួនពិតជាសប្បាយចិត្តក្រោមការដឹកនាំនិងវិធីសាស្ត្រនៃការលេងរបស់គ្រូបង្វឹកថ្មីនេះប៉ុន្តែលោកគ្រូនៅតែជាគ្រូដ៏តឹងតែងមួយក្នុងទីលាន ជាក់ស្ដែងដូចជាការស្រែកដាក់ខ្សែប្រយុទ្ធ Timo Werner ពេលគេលេងខុសតំណែងជាដើម។

ទង្វើនេះធ្វើឲ្យគេដឹងថាលោកគ្រូ Tuchel ពិតជាយកចិត្តទុកដាក់លើការងារនេះណាស់ ប៉ុន្តែបើនៅក្រៅទីលានវិញ គឺលោកគ្រូបែរជាបន្ធូរបន្ថយភាពតឹងរឹងដូចជា អនុញ្ញាតឲ្យកីឡាករទាំងអស់ចាកចេញពីសណ្ឋាគារមុនពេលកំណត់បើសិនមានការប្រកួតក្រៅដីនិងប្រញាប់វិលត្រឡប់មកទីក្រុងឡុងដ៍វិញដើម្បីឲ្យកីឡាករទាំងអស់មានពេលវេលាជួបជុំជាមួយគ្រួសារទៀតផង។

បើប្រៀបធៀបជាមួយគ្រូបង្វឹក Frank Lampard គឺពិតជាខុសគ្នាឆ្ងាយពី Tuchel ខ្លាំងណាស់ព្រោះកាលលោកគ្រូនៅដឹកនាំគឺលោកគ្រូបានរៀបចំក្រដាសផាកពិន័យកីឡាករណាដែលមកហ្វឹកហាត់យឺតដោយពិន័យជាប្រាក់ ២ម៉ឺនផោន(ស្មើនឹងប្រមាណ២ម៉ឺន៧ពាន់ដុល្លារ)បើសិនកីឡាករណាមកយឺត។

ទាក់ទងនឹងការផាកពិន័យរបស់លោកគ្រូ Frank Lampard នេះTuchel បានថ្លែងថា៖

កាល Chelsea ហោះទៅកាន់ទឹកដី Mersey Side ដើម្បីប្រកួតជាមួយក្លិបហង្សក្រហម Liverpool គឺ លោកគ្រូបានកាត់បន្ថយពេលសម្រាកនៅសណ្ឋាគារព្រោះគិតគូពីកីឡាករថាពួកគេប្រហែលចង់ចំណាយពេលជាមួយគ្រួសារដែលនេះចាត់ទុកជាទង្វើមួយបង្ហាញថាលោកគ្រូពិតជាយល់ពីទឹកចិត្តកីឡាករនិងផ្ដល់ភាពកក់ក្ដៅដល់ពួកគេ៕

ប្រភព៖ thesun