យល់ស្របអត់? Ray Parlour ទទូចឲ្យ Man UTD ប្រញាប់លក់កីឡាករម្នាក់នេះចេញ

ពេលខ្លះ ខ្ញុំមើលឃើញថាគេ(Anthony Martial)ដូចជាគ្មានអារម្មណ៍ចង់លេងបាល់។ នៅពេលគេរត់ក្នុងទីលាន កីឡាករនីមួយៗគួរតែបង្ហាញសមត្ថភាពឲ្យអស់ពីលទ្ធភាព។ គេមើលទៅដូចជាបាត់បង់ទំនុកចិត្តខ្លាំងណាស់ ខ្ញុំអាចនឹងមិនបានតាមដានការលេងបាល់របស់គេរាល់ថ្ងៃប៉ុន្តែខ្ញុំមើលមិនឃើញទេថាគេមានសមត្ថភាពអាចលេងតំបន់ប្រយុទ្ធនៅ Manchester United បាន។ ការប្ដេជ្ញាចិត្តគឺពិតជាសំខាន់ណាស់ក្នុងពិភពបាល់ទាត់ បើសិនអ្នកចង់លេងឲ្យបានល្អបំផុតក្នុងការប្រកួតធំៗ អ្នកត្រូវតែព្យាយាមប្រឹងប្រែងពីមួយសប្តាហ៍ទៅមួយសប្តាហ៍។ មើលទៅគេមិនបានធ្វើបែបនេះទេ គេរកចង្វាក់លេងមួយសម្រាប់ខ្លួនមិនបានទេ ម្ដងលេងល្អដប់គត់ ម្ដងក៏លេងបានត្រឹម៤/១០ ។ ខ្ញុំគិតថា ក្លិបមិនអាចឈ្នះពានរង្វាន់ណាបានទេបើសិននៅតែបន្តដាក់កីឡាកររបៀបនេះឲ្យចូលលេង អ៊ីចឹងហើយខ្ញុំសូមផ្ដាំទៅ Manchester United ពេលនេះ Manchester City កំពុងចង់បានខ្សែប្រយុទ្ធស្រាប់។ ខាងណោះគេប្រហែលសួរអ្នកថា តើពួកគេគួរតែហុចលុយប៉ុន្មានឲ្យអ្នកសម្រាប់ Martial? ខ្ញុំនិយាយមែន ក្លិបគួរតែយកកីឡាករផ្សេងដែលល្អៗមកជំនួសគេនៅ Man UTD ទៅ៕