យោធិន​​ម្នាក់​​ឆ្លង​​កូវីដ​១៩ បើទោះ​ធ្លាប់​ចាក់​វ៉ាក់សាំង​ស៊ីណូ​ហ្វាម​​បាន​១​លើក​រួច​ហើយ​ក្ដី​​

តាមលិខិតរបស់អគ្គបញ្ជាការដ្ឋានខុទ្ទកាល័យ ដែលបានចេញផ្សាយដោយឯកឧត្ដម ខៀវ កាញារីទ្ធ នៅថ្ងៃទី ១១ ខែមីនា ឆ្នាំ២០២១ នេះ បានឲ្យដឹងថាព្រិន្ទបាលទោឈ្មោះ លី ចាន់ សុវណ្ណបញ្ញា អាយុ ២៤ ឆ្នាំ ត្រូវបាន​រកឃើញមាន​​វិជ្ជមាន​ជំងឺកូវីដ-១៩ កាលពីថ្ងៃទី៨ ខែមីនា ឆ្នាំ២០២១។

យ៉ាងណាមិញ តាមការបញ្ជាក់របស់ ឯកឧត្ដម ខៀវ កាញារីទ្ធ បានឲ្យដឹងថាព្រិន្ទបាលទោខាងលើ ក៏ធ្លាប់​បាន​ចាក់វ៉ាក់សាំងស៊ីណូហ្វាមលើកទី១រួចម្ដងមកហើយ កាលពីកំឡុងថ្ងៃទី ២២ ខែកុម្ភៈ ឆ្នាំ២០២១ តែលោកពុំទាន់​បានចាក់វ៉ាក់សាំងលើកទី ២ នៅឡើយទេ។ យោធិនខាងលើត្រូវបានគេទម្លាយឲ្យដឹងថា លោកគឺជាកូនប្រសាររបស់​គ្រូពេទ្យម្នាក់ដែលមានវិជ្ជមានជំងឺកូវីដ-១៩ នៅអ្នកលឿង៕