ភ្នំពេញ៖ កាលពីប៉ុន្មានថ្ងៃមុននេះ បន្ទាប់ពីទទួលដំណឹងថា ពិធីការិនីល្បីឈ្មោះប្រចាំស្ថានីយ៍ហង្សមាស កែវ ចាន់និមល ឆ្លងមេរោគកូវីដ១៩ ភ្លាមៗនោះមានការភ្ញាក់ផ្អើលដល់មហាជនស្ទើរតែពេញផ្ទៃទាំងប្រទេស។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សហើយភ្លាមៗនោះរហូតមកដល់ពេលនេះនៅតែឃើញមាន បងប្អូនមិត្តអ្នកលេងបណ្តាញសង្គមគ្រប់ទិសទី រួមទាំងមិត្តសិល្បៈករ សិល្បការិនីជាច្រើនបានចូលរួមលើកទឹកចិត្ត ផ្តល់កម្លាំងចិត្ត និងបង្ហោះសារជូនពរដល់ក្រុមគ្រួសាររបស់អ្នកនាង កែវ ចាន់និមល ឲ្យឆាប់ជាសះស្បើយពីជំងឺដ៏កាចសាហាវមួយនេះផងដែរ។
ទន្ទឹមនឹងនេះផងដែរ ពិធីកររួមដំបូលក្រុមហ៊ុនតែមួយគឺលោក សុខ រ៉ាស៊ី ក៏បានបង្ហោះរូបភាពជាមួយគ្រួសារអ្នកនាង កែវ ចាន់និមល ដោយសរសេរប៉ុន្មានឃ្លាយ៉ាងចាក់ដោតអារម្មណ៍យ៉ាងដូច្នេះថា «ទំហំទឹកចិត្តដែលបង ស្រលាញ់រាប់អាន ជាមួយប្អូនវាមានគុណតម្លៃធំធេងណាស់ ជូនពរបងឆាប់ជាណា បងប្រុសដ៏រឹងមាំរបស់ប្អូន! ពេលបងជាសះស្បើយ អាចមកផ្ទះបាន ប្អូនសន្យាថា ប្អូនជាមនុស្សទីមួយ ដែលបើកឡានទៅទទួលបងមកផ្ទះវិញ»។
គួរបញ្ជាក់ផងដែរថា បន្ទាប់ពីធ្វើតេស្តកូវីដ១៩ លើកទី១ គឺមានតារាប្រុសស្រីប្រចាំក្រុមហ៊ុនហង្សមាស ដែលរកឃើញលទ្ធផលវិជ្ជមានរួមមានដូចជា កែវ ចាន់និមល, ណុប បាយ៉ារិទ្ធ, សុគន្ធ និសា, វី ឌីណែត រួមទាំងផលិតករ និងអ្នកនិពន្ធបទភ្លេងផងដែរ។ ហើយក្រៅពីនេះក៏មានតារាៗជាច្រើន និងក្រុមការងារផ្សេងទៀតកំពុងបន្តធ្វើចត្តាឡីស័ក្តរយៈពេល ១៤ ថ្ងៃ មុនពេលធ្វើតេស្តកូវីដ១៩ ជាលើកទី២៕
ចង់ជ្រាបច្បាស់ សូមទស្សនារូបភាពខាងក្រោមនេះ៖