បរទេស៖ លោក Lou Ottens វិស្វករជនជាតិហូឡង់ដែលជាអ្នកបង្កើតកាសែតខ្សែអាត់ បានទទួលមរណភាពក្នុងអាយុ 94ឆ្នាំ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកាសែតខ្សែអាត់សំឡេងប្រមាណ100ពាន់លាន ត្រូវបានដាក់លក់នៅជុំវិញពិភពលោកចាប់តាំងពីវាត្រូវបានគេណែនាំនៅទសវត្សឆ្នាំ1960មក។
ក្រុមគ្រួសាររបស់លោក បានប្រកាសនៅថ្ងៃអង្គារនេះថា វិស្វកររូបនេះបានស្លាប់នៅឯស្រុកកំណើតរបស់គាត់គឺភូមិ Duizel ប្រទេសហូឡង់ នៅថ្ងៃទី6 ខែមីនា ឆ្នាំ2021។
លោក Ottens បានក្លាយជាប្រធាននាយកដ្ឋានអភិវឌ្ឍន៍ផលិតផលរបស់ Philips ក្នុងឆ្នាំ1960 ហើយជាកន្លែងដែលគាត់និងក្រុមរបស់គាត់បានបង្កើតកាសែតខ្សែអាត់។
នៅឆ្នាំ1963 កាសែតខ្សែអាត់ត្រូវបានបង្ហាញនៅឯពិព័រណ៍អេឡិចត្រូនិចនៃវិទ្យុប៊ែរឡាំង ដែលវាក៏បានល្បីល្បាញទូទាំងពិភពលោក។
លោក Ottens បានធ្វើកិច្ចព្រមព្រៀងជាមួយក្រុមហ៊ុន Philips និងក្រុមហ៊ុនសូនី ដែលបានឃើញគំរូកាសែតរបស់គាត់ បន្ទាប់ពីក្រុមហ៊ុនជប៉ុនមួយចំនួនបានផលិតកាសែតខ្សែអាត់ដែលស្រដៀងគ្នានេះដែរ។
គួរបញ្ចាក់ផងដែរថា លោក Ottens ក៏បានចូលរួមក្នុងការអភិវឌ្ឍថាស CD ដែរ ហើយជាង200ពាន់លានឌីសត្រូវបានលក់ទូទាំងពិភពលោកផងដែរមកដល់ពេលនេះ៕