មិនអស់សង្ឃឹម ទោះបាត់បង់កូន២លើកមែន Tawarit ខំប្រឹងរហូតភរិយាពរពោះកូនម្ដងទៀត

ថៃ៖ ពិតណាស់ ក្នុងឆ្នាំ ២០២១ នេះ សិល្បករ និងសិល្បការនី ជាច្រើនរូប សុទ្ធតែទទួលបានសមាជិកថ្មី ក្នុងនោះ តារាខ្លះក៏បាន ពរកូនក្នុងដៃរួចហើយ ហើយក៏មានមួយចំនួនទៀត ទើបនឹងសម្តែងអារម្មណ៍សែនរំភើប ពេលទទួលបានដំណឹងថា ខ្លួននឹងក្លាយជាឪពុកម្តាយគេ។

ក្នុងនោះ តារាសម្តែងប្រុស Tawarit បានបង្ហាញរូបភាព រូបរាងកូនក្មេង លើផ្ទៃអេក្រង់របស់ម៉ាស៊ីនអេកូនផ្ទៃពោះ មិនត្រឹមតែប៉ុណ្ណោះ រូបលោក ក៏បានប្រាប់ថា រូបលោកនឹងណែនាំ សមាជិកថ្មីដល់អ្នកគាំទ្រទាំងអស់គ្នា។ លើសពីនេះទៅទៀត រូបលោក បាននិយាយថា ចាប់ពីពេលនេះទៅ ដំណើរជីវិតនេះ លែងមានគ្នាតែ២នាក់ទៀតហើយ តែផ្លាស់ប្តូរមកជា ៣នាក់វិញ។ នេះបានសបញ្ជាក់យ៉ាងច្បាស់ថា ភរិយា តារាប្រុស Tawarit កំពុងតែពពោះកូនដំបូងរបស់ខ្លួន ដែលមិនយូរទៀតទេ ពួកគេនឹងអាចឃើញមុខកូនហើយ។

គួរបញ្ជាក់ថា ទន្ទឹមនឹងដំណឹងល្អនេះ រូបលោក ក៏បានបង្ហើបបានពី ការបាត់បង់កូន២លើករួចមក ដែលស្ទើរតែធ្វើឲ្យរូបលោក និងភរិយា អស់សង្ឃឹមទៅហើយ តែរូបលោក នៅតែគិតនិងជឿជាក់ថា វានឹងអាចទៅរួច៕

បើចង់ដឹងឲ្យកាន់តែច្បាស់នោះ តោះទៅមើលរូបភាពខាងក្រោម ៖