អស់បារម្ភទៅ! រដ្ឋបាលស្រុកអូររាំងឪ បានចេញលិខិតបំភ្លឺ មិនរើសទីនេះជា ទីតាំងចត្តាឡីស័កទេ

ខេត្តត្បូងឃ្មុំ ៖ ពិតណាស់ ក្នុងពេលបច្ចុប្បន្ន ស្ថានភាពការរីករាលដាល នៃជំងឺកូវីដ១៩ ក្នុងប្រទេសកម្ពុជា មានសភាពច្របូកច្របូល ចាប់តាំងពី <ព្រឹត្តិការណ៍សហគមន៍ ២០ កុម្ភៈ> រួចមក។

ទន្ទឹមនឹងនេះ ប្រសិនបើងាកទៅ ខេត្តត្បូងឃ្មុំ ស្រុកអូររាំងឪ ឯណោះវិញ ក៏បានចាត់ចែងស្វែងរក កន្លែងដែលសាកសម និងស្របតាម ការណែនាំ របស់ក្រសួងសុខាភិបាល ផងដែរ។  ម៉្យាងវិញទៀត កាលពីម្សិលមិញ ថ្ងៃទី ០៩ មីនា ឆ្នាំ ២០២១ នេះ លើផេកផ្លូវការរបស់ រដ្ឋបាលស្រុកអូររាំងឪ បានបង្ហោះទិដ្ឋភាពក្នុងទីតាំងដែលត្រៀមធ្វើចត្តាឡីស័ក តែបែរជាត្រូវបងប្អូនមួយចំនួនធំ បង្ហាញអារម្មណ៍ថា ពិតជាព្រឺព្រួច និងខ្លាចអមនុស្សខ្លាំងណាស់ ដោយសារតែ អគារនោះ មើលទៅហាក់បីដូចជា ជាអគារទុកចោល គ្មានអ្នកមើលថែទាំរក្សា មិនត្រឹមតែប៉ុណ្ណោះ ថែមទាំំង មានព្រៃស្តុកថែមទៀត។

គួរបញ្ជាក់ផងដែរថា គ្រាន់តែឃើញ ប្រជាពលរដ្ឋផ្អើលបែបនេះភ្លាម រដ្ឋបាលស្រុកអូររាំងឪ បានចេញលិខិតបំភ្លឺ ថា ទីតាំងនោះ មិនបានកំណត់ធ្វើជា ទីតាំងចត្តាឡីស័កឡើយ។ ជាមួយគ្នានេះ រដ្ឋបាលស្រុក ក៏បានបន្ថែមថា ការចុះទៅផ្តិតរូបភាពនោះ គ្រាន់តែជា ការចុះទៅមើលដោយផ្ទាល់ ថាតើត្រូវទីតាំងនោះសមរម្យឫទេ ក្នុងការធ្វើជាទីតាំងចត្តាឡីស័ក៕

បើចង់ដឹងឲ្យកាន់តែច្បាស់នោះ តោះទៅមើលរូបភាពខាងក្រោម ៖