អង់គ្លេស៖ លោកគ្រូបង្វឹក Thomas Tuchel ដែលទើបនឹងចូលកាន់តំណែងជាគ្រូបង្វឹករបស់ក្លិបតោខៀវ Chelsea កាលពីខែមករាកន្លងទៅនេះបាននិយាយថារដូវកាលនេះក្រុមលោកគ្រូមិនអាចយកឈ្នះ Manchester City បានទេប៉ុន្តែលោកគ្រូថានៅរដូវកាលក្រោយ Chelsea នឹងមានឱកាសលើកពាន Premier League ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
លើកចុងក្រោយដែល Chelsea លើកពាន Premier League គឺកាលពីឆ្នាំ២០១៧ ហើយនៅ៣រដូវកាលកន្លងមក ក្លិបមួយនេះបានចាញ់ពិន្ទុក្រុមលើកពានដល់ទៅ ៣០, ២៦ និង ៣៣ ពិន្ទុ ខណៈដែលរដូវកាលនេះក្លិបកំពុងឈរនៅលេខរៀងទី៥ មាន ៤៤ពិន្ទុក្នុងដៃចាញ់ក្រុមកំពូលតារាង Manchester City ដល់ទៅ ២១ពិន្ទុឯណោះ។
យ៉ាងណាមិញបើទោះបីជាប៉ុន្មានឆ្នាំមកនេះ Chelsea ធ្វើមិនសូវបានល្អក៏លោកគ្រូ Tuchel នៅតែជឿជាក់ថារដូវកាលក្រោយក្លិបនឹងស្រវាយកពាន Premier League នេះបាន។
លោកគ្រូបានថ្លែងក្នុងសន្និសីទមុនការប្រកួតទល់នឹងក្លិបហង្សក្រហម Liverpool ថា៖
ពួកយើងមិនគួរដាក់ព្រំដែនខ្លួនឯងនោះឡើយ ពួកយើងមិនគួររកលេសនោះទេ ពេលនេះយើងចាញ់ពិន្ទុក្រុមកំពូលតារាងច្រើនណាស់ដែរ។ កីឡាករក្នុងក្រុមត្រូវតែខំប្រឹងប្រែងបើសិនចិត្តមិនចង់ទទួលយកបរាជ័យតាំងពីដើមទីមក។ សំណួរគឺតើយើងអាចវ៉ា Man City នៅរដូវកាលនេះទេ?ចម្លើយគឺទេ! ប៉ុន្តែនៅរដូវកាលក្រោយ ក្រុមទាំងអស់នឹងចាប់ផ្ដើមពីពិន្ទុសូន្យដូចគ្នា។
ប្រភព៖ dailymail
Bong I.T