ភ្នំពេញ៖ រដូវកាលបុណ្យចូលឆ្នាំខ្មែរប្រពៃណីជាតិ ជិតឈានចូលមកដល់ហើយ ហើយបើក្រឡែកទៅមើលបណ្ដាផលិតកម្មធំតូចៗនានាបាននឹងកំពង់ដុតដៃដុតជើងផលិតនូវបទចំរៀងថ្មីៗ ដែលមានស្ទើរតែគ្រប់ចង្វាក់ ដូចជារាំវង់ សារវ៉ាន់ កន្ទ្រឹម ជាដើម។
អ្វីដែលរឹតតែប្លែកអារម្មណ៍ទៀតនោះ គឺនៅល្ងាចថ្ងៃទី ០៣ ខែមីនា នេះផងដែរ ផលិតកម្មរស្មីហង្សមាសបាននាំមកនូវទស្សនីយភាពដ៏ល្អឯក និងប្លែកភ្នែកមួយដែលធ្វើឲ្យអ្នកទស្សនាបានទស្សនាហើយទ្រាំមិនសរសើរមិនបាន។ បើក្រលែកទៅមើលការស្លៀកពាក់របស់តួសម្ដែងបូករួមនឹងតារាសម្ដែងផ្សេងៗទៀតគឺស្រស់ស្អាតខ្លាំងណាស់ ប្លង់ថត ការរៀបចំឆាកល្អគួរជាទីគយគន់។
យ៉ាងណាមិញ តាមរយៈបទចម្រៀងនោះផងដែលគឺមានចំណងជើងថា «កន្ទ្រឹមឆ្លងឆ្លើយ» ដែលជាការបកស្រាយរួមគ្នារបស់កំពូលតារាចម្រៀងជួរមុខ លោក ឆន សុវណ្ណារាជ ជាមួយនឹង អ្នកនាង សុគន្ធកញ្ញា ដែលជាស្នាដៃនិពន្ធទំនុកច្រៀងដោយ ឈិត តេងរិទ្ធ៕
ចង់ដឹងថាបទចម្រៀងដែលបានរៀបរាប់ខាងលើពិសេសប៉ុណ្ណានោះ តោះទៅទស្សនាវីដេអូខាងក្រោមទាំងអស់គ្នា៖