អង់គ្លេស៖ លោក Andy Cole ដែលជាអតីតកីឡាកររបស់ក្លិបបិសាចក្រហម Manchester United គិតថាខ្សែប្រយុទ្ធ Erling Haaland នឹងចូលរួមជាមួយក្លិបមេឃខៀវ Manchester City ដែលជាសត្រូវស៊ីសាច់ហុតឈាមរបស់ Manchester United ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
Haaland ប៊ិះនឹងបានផ្ទេរទៅលេងនៅទឹកដីកីឡដ្ឋាន Old Trafford កាលពីខែធ្នូឆ្នាំ២០១៩ ទៅហើយប៉ុន្តែពេលនេះ Man UTD មិនសូវសប្បាយចិត្តទេពេលលោក Mino Raiola ដែលជាភ្នាក់ងារតំណាងរបស់កីឡាករសញ្ជាតិន័រវេសរូបនេះបានបង្ហើបថាក្លិបណាដែលចង់បាន Haaland ត្រូវបោះលុយ ៦២លានផោន(ស្មើនឹងប្រមាណ១០០លាមដុល្លារ) ដាក់លើតុស្របពេលគេគិតថា Haaland នឹងមិនស្នាក់នៅបន្តជាមួយក្លិប Borussia Dortmund នៅរដូវកាលក្រោយនោះឡើយ។
ថ្មីៗនេះ លោកគ្រូបង្វឹក Ole Gunnar Solskjaer បានចេញមុខទទួលត្រង់ៗតែម្ដងថាគាត់កំពុងសម្លឹងមើល Haaland ជាប់ជានិច្ច។
ប៉ុន្តែលោក Andy Cole បែរជាមិនគិតថាខ្សែប្រយុទ្ធវ័យ២០ឆ្នាំរូបនេះនឹងទៅចូលរួមជាមួយ Manchester United ឡើយ ដោយគេអាចនឹងសម្លឹងចង់ទៅ Manchester City ជំនួសដើម្បីបានលើកពានរង្វាន់ធំៗក្រោយការដឹកនាំរបស់លោកគ្រូបង្វឹក Pep Guardiola ។
លោកបានថ្លែងប្រាប់សារព័ត៌មាន Mirror ថា៖
ដើម្បីទាក់ទាញកីឡាករឆ្នើមៗដូចជា Haaland ក្លិបទាំងអស់គួរតែមានអ្វីម្យ៉ាងក្នុងដៃសម្រាប់ផ្ដល់ជាប្រយោជន៍ដល់រូបគេ។ ក្លិបនោះគួរតែជាក្លិបដែលកំពុងល្បីឈ្មោះ និងខ្លាំងក្លា អាចមានលទ្ធភាពឈ្នះពានរង្វាន់បាន ដូចជា Manchester City, Liverpool, Chelsea, Real Madrid ឬក៏ Barcelona ដែលតាមខ្ញុំមើលទៅ Manchester United មិនទាន់អាចប្រជែងយក Haaland ជាមួយក្លិបដែលបានរៀបរាប់ខាងលើទេ។ ទោះបីជាខ្ញុំស្រឡាញ់ Man UTD ប៉ុណ្ណាក៏ខ្ញុំមិនគិតថាក្លិបនេះអាចយកកីឡាករឆ្នើមៗដូចជាគេបានទេ។ អូខេ! កាលមុនខ្ញុំព្រមទទួលស្គាល់ថា អ្នកណាៗក៏ចង់លេងឲ្យ Man UTD ដែរប៉ុន្តែនេះជាឆ្នាំ២០២១ហើយ ខ្ញុំមិនច្បាស់ទេថាកីឡាករអស់នោះចង់មកក្លិបឬអត់៕
ប្រភព៖ metro
Bong I.T