អង់គ្លេស៖ លោក Gary Neville ដែលជាអតីតកីឡាកររបស់បិសាចក្រហម Manchester United បានធ្វើការដាស់តឿន ភាគីរបស់លោកគ្រូបង្វឹក Ole Gunnar Solskjaer ថាឲ្យគិតគូឲ្យល្អិតល្អន់មុនពេលសម្រេចចិត្តលក់ ខ្សែបម្រើ Daniel James បន្ទាប់ពីលោកឃើញពីទម្រង់លេងនិងសមត្ថភាពរបស់គេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
កីឡាករសញ្ជាតិវែលល៍រូបនេះមិនមែនជាកីឡាករដែល Man UTD ចាត់ទុកថាសំខាន់នោះឡើយ ប៉ុន្តែគេលេងបានល្អកាលផ្ទេរមកទឹកដី Old Trafford ក្រោយផ្ទេរមកពីក្លិប Swansea City ។
បន្ទាប់មក Daniel James រាងធ្លាក់ជើងបន្តិចនៅដើមរដូវកាលនេះ ប៉ុន្តែថ្មីៗនេះ James ពីមុនបានត្រឡប់មកវិញហើយដោយបានរួមចំណែកស៊ុតបញ្ចូលទីមួយគ្រាប់បិទគូថកាល Man UTD លត់ Southampton ៩ ទល់នឹង ០។
យ៉ាងណាមិញ សារព័ត៌មាន The Telegraph បានរាយការណ៍ថាក្លិប Leeds កំពុងទាក់ទងចង់បាន James កាលពីខែមករាដែលធ្វើឲ្យលោក Gary Neville មានក្ដីព្រួយបារម្ភថា Man UTD អាចនឹងស្តាយក្រោយបើសិនសម្រេចចិត្តលក់គេមែន។
លោកបានថ្លែងប្រាប់ Sky Sports ថា៖
ខ្ញុំគិតថា Daniel James គួរតែស្នាក់នៅ Manchester United បន្ត ព្រោះគ្រប់យ៉ាងស៊ីសងលើក្លិបទេ! អ្នកសាកគិតទៅមើលថាតើគេជាកីឡាករដែលអ្នកចង់ដាក់ឲ្យចូលលេងរាល់សប្តាហ៍ឬមិន? ចម្លើយគឺ James អាចនឹងមិនបានជាប់ជម្រើស១១នាក់ដំបូងប៉ុន្តែគេអាចជាកីឡាករដែលងើបពីកៅអូបម្រុងមកស៊ុតបញ្ចូលទីបានព្រោះគេផ្លាស់ទីលឿនណាស់។ គេជាកីឡាករល្អម្នាក់សម្រាប់ Man UTD ខ្ញុំគិតថាក្លិបគួរតែគិតឲ្យច្បាស់។
ដោយឡែកបើសិន Man UTD មិនព្រមលក់ Daniel James នោះ Leeds ប្រាកដជាស្តាយក្រោយខណៈដែលពេលនេះក្លិបបិសាចក្រហមពុំទាន់មានទំនោរណាមួយថានឹងលក់ខ្សែបម្រើវ័យ២៣ឆ្នាំរូបនេះឡើយនិងអាចរង់ចាំមើលថាតើគេរក្សាទម្រង់លេងល្អថេរឬយ៉ាងណា៕
ប្រភព៖ caughtoffside
Bong I.T