រាជធានីភ្នំពេញ៖ យោងតាមផេកហ្វេសប៊ុកផ្លូវការរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា កាលពីម្សិលមិញ បានបញ្ជាក់ថា កម្ពុជា បានទទួលវ៉ាក់សាំងកូវីដ១៩ ពីមជ្ឈមណ្ឌលកូវ៉ាក់ ដែលជាជំនួយរបស់ WHO ដោយបានផ្តល់ជូនប្រទេសកម្ពុជា កាលពីម៉ោង ៧៖៥០ នាទីយប់ ថ្ងៃទី០២ ខែមីនា ឆ្នាំ២០២១ នេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងនោះ កម្ពុជាទទួលបានវ៉ាក់សាំងកូវីដ១៩ របស់ក្រុមហ៊ុន AstraZeneca ដែលផលិតនៅប្រទេសឥណ្ឌាចំនួន ៣២៤,០០០ ដូស ដោយនេះជាជំហានទី១ នៃការទទួលវ៉ាក់សាំងកូវីដ១៩។
ជាមួយគ្នានោះដែរ ឯកឧត្តម ម៉ម ប៊ុនហេង រដ្ឋមន្ត្រីក្រសួងសុខាភិបាល បានអញ្ជើញចូលរួមក្នុងពិធីប្រគល់ ទទួល នៅព្រលានយន្តហោះអន្តរជាតិភ្នំពេញ ដោយមានការប្រគល់ពីសំណាក់លោកស្រីវេជ្ជបណ្ឌិត លី អាយលែន ( Mrs. Dr. Li Ailan) តំណាងអង្គការសុខភាពពិភពលោក និង លោកស្រី Ms. Foroogh Foyouzat តំណាងអង្គការយូនីសេហ្វប្រចាំកម្ពុជា និង មានវត្តមាននូវមន្រ្តីជាន់ខ្ពស់របស់ក្រសួងសុខាភិបាល និង អង្គការពាក់ព័ន្ធ។
យ៉ាងណាមិញ សម្តេចតេជោ ហ៊ុន សែន បានបន្តទៀតថា៖
សម្តេចតេជោ ហ៊ុន សែន បានសង្កត់ធ្ងន់ទៀតថា កម្ពុជានឹងទទួលបានវ៉ាក់សាំងពីអង្គការសុខាភាពពិភពលោក ម្តងទៀត ក្នុងដំណាក់ក្រោយ ក្នុងបរិមាណដទៃទៀត ក្នុងឆ្នាំ២០២១ នេះ៕
ដើម្បីជ្រាបកាន់តែច្បាស់ សូមទស្សនារូបភាពខាងក្រោម៖