តើអ្វីទៅជាសំពាធសង្គម? សំពាធសង្គមសំដៅលើការប៉ះពាល់ផ្លូវអារម្មណ៍ ដែលបណ្តាលមកពីសកម្មភាពរបស់មនុស្សជុំវិញខ្លួន (អាចជាមិត្តភក្តិ ឬ គ្រួសារ) ឬសកម្មភាពសង្គមនានា ដែលមានដូចជាការប្រែប្រួលសេដ្ឋកិច្ច នយោបាយ ការងារ ឬបរិបទសង្គមនានា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសំពាធសង្គម (Social Pressure)
ឧទារហណ៍៖ បច្ចុប្បន្នមានមនុស្សជាច្រើនបានបាត់បង់ការងារធ្វើដោយសារតែបញ្ហារីករាលដាលនៃជំងឺកូវីដ១៩ក្នុងសង្គមកម្ពុជា។ ហេតុនេះហើយធ្វើអោយប៉ះពាល់ដល់ផ្លូវចិត្តក្នុងការរកប្រាក់ចំណូលសម្រាប់ផ្គត់ផ្គង់ក្នុងពេលដែលសេដ្ឋកិច្ចរាល់ថ្ងៃមានភាពតានតឹងជាមួយការឡើងថ្លៃនៃតម្លៃប្រេងសាំង ឬម្ហូបអាហារ។
មនុស្សជុំវិញខ្លួន (Peer Pressure)
ឧទារហណ៍៖ សំពាធពីមនុស្សជុំវិញខ្លួនដូចជាពេល ដែលគេសួរថា៖ គេរៀបការអស់ហើយ ចុះអ្នកវិញ? គេបានប្រាក់ខែច្រើនណាស់ បានប៉ុនហ្នឹងចាយគ្រាន់ដែរ? គេមានឡានជិះហើយ ចុះយើង? នៅមានសំនួរ ឬ ការនិយាយស្តីជាច្រើនទៀតដែលផ្តល់ជាសំពាធផ្លូវអារម្មណ៍ដោយសារតែការប្រាស្រ័យទាក់ទងជាមួយមនុស្សជុំវិញខ្លួន។
តើអ្នកណាងាយរងឥទ្ធិពលនៃសំពាធសង្គមនេះជាងគេ?
មនុស្សវ័យកណ្តាលដែលស្ថិតក្នុងចន្លោះអាយុ 22 ដល់ 35 ឆ្នាំ ព្រោះវ័យនេះស្ថិតក្នុងការប្រកួតប្រជែងខ្លាំង ទាំងការងារ គ្រួសារ និង វណ្ណៈសង្គម។ ជាពិសេសមនុស្សស្រីកាន់តែទទួលរងសំពាធជាងមនុស្សប្រុស ដោយសារកត្តាសមភាពយេនឌ័រនៅមានកំរិតក្នុងសង្គម។
ជាពិសេសកត្តានៃសំពាធទាំងអស់នេះអាចបណ្តាលអោយមនុស្សងាយគិតខ្លី ហ៊ានសំលាប់ខ្លួន ឬ ហ៊ានប្រព្រឹត្តរាល់អំពើខុសច្បាប់នានា។
ដូច្នេះប្រសិនបើយើងមិនអាចផ្តល់ក្តីសុខដល់នរណាម្នាក់នោះទេ សូមកុំសួររាល់សំនួរដែលអាចផ្តល់សំពាធដល់អ្នកដទៃ៕