បរទេស៖ ប្រសិនបើអ្នករង់ចាំ iPhone ដែលអាចបើកបិទអេក្រង់បាន អ្នកប្រហែលត្រូវរង់ចាំនៅក្នុងរង្វង់ឆ្នាំ២០២៣។ វាជាពេលវេលាបរិច្ឆេទដែលអ្នកវិភាគ លោក Ming-Chi Kuo គិតថាក្រុមហ៊ុន Apple អាចនឹងបញ្ចេញទូរសព្ទអេក្រង់បត់របស់ខ្លួនជាលើកដំបូង។ iPhone អេក្រង់បត់អាចនឹងត្រូវបានពន្យារឬលុបចោល ប្រសិនបើដំណាក់កាលអភិវឌ្ឍន៍មិនអាចដំណើរការបានរលូន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទូរសព្ទអេក្រង់បត់នេះត្រូវបានគេរាយការណ៍មកថា អាចនឹងមានបន្ទះបង្ហាញពី៧.៥អ៊ីញទៅ៨អ៊ីញ។ វាអាចបញ្ជាក់បានថា ទូរសព្ទនេះអាចនឹងមានគំរូរាងយកលំនាំតាម Galaxy Z fold ជាជាងយកលំនាំតាមទូរសព្ទ Galaxy Z flip។ របាយការណ៍របស់លោក Kuo ក៏ត្រូវបានគេរាយការណ៍ដាច់ដោយឡែកផ្សេងទៀត នៅតាមសារព័ត៌មាន Bloomberg និង The Elec។
កាលពីមុន គេមិនបានបង្ហាញពីកាលបរិច្ឆេទបញ្ចេញ ហើយគេក៏បានបញ្ជាក់ផងដែរថា ក្រុមហ៊ុន Apple ស្ថិតនៅក្នុងដំណាក់កាលដំបូងនៃការអភិវឌ្ឍនៅឡើយ ដែលការបញ្ចេញជាសាធារណៈអាចយ៉ាងយូរនៅក្នុងឆ្នាំ២០២៤ សម្រាប់ការបង្ហាញរូបរាងជាលើកដំបូង។ មិនតែប៉ុណ្ណោះ ក៏នៅមានការប្រើប្រាស់ជាមួយមុខងារខ្មៅដៃ Apple Pencil ជាមួយទូរសព្ទអេក្រង់បត់នេះ ដែលទើបតែលេចឮពាក្យចចាមអារ៉ាមកាលពីពេលថ្មីៗនេះ ហើយគេក៏មិនទាន់ដឹងច្បាស់ដូចគ្នា អំពីមុខងារផ្សេងដែលវាអាចនឹងទទួលបាន៕