មហាសេដ្ឋី Bill Gates បង្ហើបពីមូលហេតុ ដែលលោកចូលចិត្ត Android ជាង iOS

//s9.kh1.co/af/af409367f669b87cefb43b9d494f4417e818300d.jpg
បច្ចេកវិទ្យា

 ០១-មីនា-២០២១ ១០ព្រឹក · ៣ ឆ្នាំមុន

អីយ៉ាស់! សូម្បីតែមហាសេដ្ឋី Microsoft ក៏ពេញចិត្ត Android ដែរ

បរទេស៖ លោកមហាសេដ្ឋី Bill Gates បានចូលរួមក្នុងកម្មវីធី Clubhouse ជាលើកដំបូងនៅសប្តាហ៍នេះ ហើយអ្នកសារព័ត៌មានលោក Andrew Ross Sorkin ក៏បានប្រាប់ដល់សហស្ថាបនិកក្រុមហ៊ុន Microsoft រូបនេះថាលោកបានទទួល tweets ជាច្រើនពីមហាជនដែលសួរពីរឿងដូចគ្នា ដែល tweets ទាំងនោះត្រូវបានបញ្ជូនមកលោកភ្លាមៗនៅពេលពួកគេបានដឹងថាលោក Gates នឹងមកធ្វើការជជែកលើ Clubhouse ដែលជាកម្មវិធីសង្គមថ្មីរបស់ iOS។ សំណួរនោះសួរថា លោក Bill Gates ប្រើ iPhone ដែរ?

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

Gates បានទទួលស្គាល់ថាគាត់ពិតជាប្រើទូរស័ព្ទ Android ជាប្រចាំមែន។ ហើយគាត់និយាយថា គាត់ប្រើទូរស័ព្ទ iPhone ស៊េរីចុងក្រោយដើម្បីតែតាមដានថាវាមានអ្វីថ្មីខ្លះប៉ុណ្ណោះ លោកនិយាយថា៖ «ទូរស័ព្ទដែលខ្ញុំកាន់ជាប់ខ្លួនគឺប្រើប្រព័ន្ធប្រតិបត្តិការ Android។» លោក Sorkin ក៏បានសួរបន្ថែមទៀត ដោយចង់ដឹងថាលោក Gates មានទំនោរយ៉ាងណារវាងប្រព័ន្ធប្រតិបត្តិការ Android និង iOS ទាំងពីរនេះ។

លោក Bill Gates និយាយថា៖ «ក្រុមហ៊ុនទូរសព្ទដែលប្រើ Android មួយចំនួនបានដំឡើងកម្មវិធី Microsoft ក្នុងនោះរួចជាស្រេច ដែលធ្វើឱ្យខ្ញុំមានភាពងាយស្រួល ហើយវាមានភាពបត់បែនច្រើនពេលដែលកម្មវិធីភ្ជាប់ជាមួយប្រព័ន្ធប្រតិបត្តិការ ហើយវាគឺជាអ្វីដែលខ្ញុំទម្លាប់នឹងប្រើរួចទៅហើយ… តែមិត្តភក្តិខ្ញុំជាច្រើនមានទូរស័ព្ទ iPhone ដូច្នេះមិនមែនដូចគ្នាទាំងអស់នោះទេ។»

ការចូលរួមជជែកលើ Clubhouse នេះបានធ្វើឱ្យលោក Bill Gates ក្លាយជាអ្នកជំនួញឧស្សាហកម្មបច្ចេកវិទ្យាលេចធ្លោនិងជាអ្នកមានទ្រព្យសម្បត្ដិស្ដុកស្ដម្ភក្នុងឧស្សាហកម្មនេះចុងក្រោយបង្អស់ ដែលបានចូលរួមលើកម្មវិធីសង្គម Clubhouse៕

កម្មវិធីសង្គម Clubhouse
កម្មវិធីសង្គម Clubhouse
Thann Ravann
ថាន់ រ៉ាវណ្ណ

អត្ថបទទាក់ទង

//s9.kh1.co/ef/ef760b0f811b181012cac2058b3a6e5f6a63de52.jpg

ក្រុមហ៊ុន Epson សូមណែនាំ EcoBear ជាទូតសុច្ឆន្ទៈតំណាងឱ្យម៉ាស៊ីនព្រីនម៉ូឌែល EcoTank និងបានត្រៀមខ្លួនជាស្រេចដើម្បីនាំយកបច្ចេកវិទ្យាមិនប៉ះពាល់បរិស្ថានដល់វិស័យអាជីវកម្មកម្ពុជា

 ២១-មីនា-២០២៤ 
 ១ល្ងាច · ៨ ថ្ងៃមុន
រក្សាសិទ្ធិ Mediaload
Powered by Bong I.T Bong I.T