ខេត្តកណ្តាល ៖ ជនវ័យក្មេងម្នាក់ត្រូវបានប៉ូលិសក្រុងតាខ្មៅ ចាប់ខ្លួនកាលពីល្ងាចថ្ងៃទី៩ មករា បន្ទាប់ពីទទួលពាក្យបណ្តឹងពីម្តាយរបស់ក្មេងស្រីម្នាក់អាយុ១៥ឆ្នាំ ប្តឹងចោទប្រកាន់យុវជនអាយុ១៩ឆ្នាំ ថាបានបង្អកស្រាកូនស្រីគាត់ឱ្យស្រវឹង ហើយរំលោភសេពន្ថវៈរហូតបានសម្រេចនៅក្នុងបន្ទប់ផ្ទះបាយកាលពីម៉ោង៨យប់ថ្ងៃទី៦មករា នៅក្រុងតាខ្មៅ គឺនៅពេលដែលគាត់ទៅចូលរួមពិធីមង្គលការ លុះពេលត្រឡប់មកវិញក៏ឃើញកូនស្រីរបស់គាត់និងយុវជននោះដេកស្រាតននលគកនៅក្នុងបន្ទប់ផ្ទះបាយតែ២នាក់ ទើបគាត់ទះកំផ្លៀងយុវជននោះមួយដៃ ហើយយុវជននោះភ័យស្លន់ស្លោរហូតច្រឡំស្លៀកខោកូនស្រីគាត់ទៀតផង ។
លោកមិន ប៊ុនណាន អធិការរងក្រុងតាខ្មៅទទួលផែនយុត្តិធម៌បានឱ្យដឹងថា បន្ទាប់ពីទទួលពាក្យបណ្តឹងពីអាណាព្យាបាលក្មេងស្រីរងគ្រោះលោកបានឃាត់ខ្លួនជនសង្ស័យឈ្មោះជេត ភក្តី ហៅសេក អាយុ១៩ឆ្នាំ មានទីលំនៅភូមិកំពង់សំណាញ់ សង្កាត់កំពង់សំណាញ់ ក្រុងតាខ្មៅ។ ចំណែកក្មេងស្រីរងគ្រោះអាយុ១៥ឆ្នាំ ។
តាមប្រភពបានឱ្យដឹងទៀតថា នៅវេលាម៉ោង៤រសៀលថ្ងៃទី៦ មករា ម្តាយក្មេងស្រីរងគ្រោះបានចេញពីផ្ទះទៅចូលរួមពិធីមង្គលការចំណែកក្មេងស្រីរងគ្រោះនៅផ្ទះតែម្នាក់ឯង ។ពេលស្រ្តីជាម្តាយត្រឡប់មកពីចូលរួមក្នុងមង្គលការវិញ បើកទ្វារផ្ទះបាយមើលឃើញឈ្មោះជេតភក្តី នៅដេកស្រាតននលគោក នៅលើគ្រែក្នុងផ្ទះបាយជាមួយកូនស្រីគាត់ ពេលនោះគាត់ខឹងខ្លាំងណាស់ក៏បានទះកំផ្លៀងឈ្មោះជេត ភក្តី មួយដៃហើយជននេះបានភ័យស្លន់ស្លោស្ទុះក្រោកពីដេកលើកខោស្លៀកប្រញាប់ប្រញាល់ស្លៀកច្រឡំខោជើងខ្លីកូនស្រីគាត់ហើយរត់គេចខ្លួនបាត់ ។ ចំណៃកកូនស្រីគាត់ស្ថិតក្នុងសភាពស្រវឹងជោកជាំនៅលើគ្រែលែងដឹងខ្លួន ។
តាមចម្លើយរបស់ជនសង្ស័យឈ្មោះជេត ភក្តី ប្រាប់ប៉ូលិសថា នៅល្ងាចថ្ងៃទី៦ មករា នាង បានបបួលខ្លួនមកលេងផ្ទះរបស់នាងជាមួយមិត្តភក្តិ៤នាក់ទៀត មានស្រី២នាក់ផងដែរ និងបានបបួលគ្នាទិញស្រា៧ដបយកមកផឹក។ ប៉ុន្តែពេលផឹកអស់៤ដបក៏ស្រវឹងជោកគ្រប់គ្នា ហើយខ្លួនក៏បានដេកនៅក្នុងបន្ទប់ផ្ទះបាយនោះទៅ មិនដឹងថាមិត្តភក្តិផ្សេងទៀត ទៅវិញបាត់ពីពេលណាឡើយ ។ លុះម្តាយរបស់នាងមកទាន់គឺខ្លួនកំពុងដេកទាំងកាយអាក្រាតជាមួយនាងកូនម្ចាស់ផ្ទះហើយត្រូវម្តាយនាងទះមួយកំផ្លៀង ទើបភ្ញាក់ទាញខោស្លៀករត់តែម្តង ។ ជនសង្ស័យបានបញ្ជាក់ទៀតថា នៅពេលដែលខ្លួនស្រវឹងហើយដេកជាមួយនាងនោះ មិនដឹងថា ខ្លួនបានប្រព្រឹត្តអ្វីលើរូបកាយនាងទេ ដោយសារស្រវឹងខ្លាំងពេកលែងដឹងខ្លួន ។ បើទោះបីចម្លើយរបស់ជនសង្ស័យឆ្លើយដោះសាថា ស្រវឹងរហូតលែងដឹងខ្លួនថា ខ្លួនប្រព្រឹត្តអ្វីនោះក៏ដោយ ក៏រូបគេត្រូវបានប្រឈមមុខនឹងការចោទប្រកាន់ដែរ ទោះបីហេតុការណ៍នេះ អ្នកទាំងពីរជាអ្នកធ្លាប់ស្គាល់គ្នា ឬអាចត្រូវរ៉ូវគ្នាជាមុនក៏ដោយ ។
មន្ត្រីប៉ូលិសបានឱ្យដឹងទៀតថា ក្រោយហេតុការណ៍នេះកើតឡើង ម្តាយក្មេងស្រីរងគ្រោះបានមកដាក់ពាក្យបណ្តឹង និងនាំកូនទៅពិនិត្យនៅមន្ទីរពេទ្យ ហើយលទ្ធផលបញ្ជាក់ថា នារីរងគ្រោះបាត់បង់ព្រហ្មចារី និងមានស្នាមដាច់រលាត់ប្រដាប់ភេទទើបប៉ូលិសធ្វើការចាប់ខ្លួនជនសង្ស័យតែម្តង ។ បច្ចុប្បន្នជនសង្ស័យត្រូវបានប៉ូលិសក្រុងតាខ្មៅកសាងសំណុំរឿង ដើម្បីបញ្ជូនទៅកាន់ស្នងការដ្ឋាននគរបាលខេត្ត ចាត់ការបន្តតាមនីតិវិធី ៕
ដកស្រង់ពីគេហទំព័រកោះសន្តិភាព
សូមបងប្អូនជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។សូមអរគុណ ខ្មែរស្រលាញ់ខ្មែរ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]