ចិន៖ នៅក្នុងគេហទំព័រមួយបានចុះផ្សាយ ពីរឿងរ៉ាវនឹកស្មានមិនដល់មួយ ដែលបានកើតឡើង នៅកន្លែងដាក់តាំងបង្ហាញរថយន្តមួយកន្លែង នៅក្នុងទីក្រុង Shenzhen ប្រទេសចិន ដែលអ្នកដឹងជញ្ជូនអាហារ បានទិញឡានថ្មីភ្លាមៗ ដោយមិនគិតច្រើន បន្ទាប់ពីលោកបានដឹកអាហារទៅកន្លែងលក់បង្ហាញឡាន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតួយ៉ាង នៅក្នុងខ្សែវីដេអូ ថតដោយកាមេរ៉ាសុវត្ថិភាព ត្រូវបានគេចែកចាយរាល់សកម្មភាព ដែលអ្នកដឹកជញ្ជូនបានទៅដល់ Showroom លក់ឡានមួយកន្លែង ដែលបុគ្គលិកលក់ឡានបានកុម្មង់អាហារតាមរយៈទូរស័ព្ទដូចសព្វរាល់ដង។ ខណៈពេលនោះដែរ បន្ទាប់ពីបានហុចថង់អាហារ និងបម្រុងនឹងដើរចេញទៅហើយនោះ រូបលោកក៏បានងាកទៅសាកសួរ ពីព័ត៌មានឡានដែលគេបានដាក់តាំងបង្ហាញនៅទីនោះ។
លើសពីនេះ ក្រោយពីឃើញបែបនេះ បុគ្គលិកម្នាក់នោះ បានភ្ញាក់ផ្អើលយ៉ាងខ្លាំង ក៏បានប្រញាប់ដាក់ថង់អាហារចុះ ក៏ឲ្យបុរសដឹកជញ្ជូនអាហារនោះ ឡើងសាកលើរថយន្ត ក៏ដូចជាណែនាំ និងបានប្រាប់ព័ត៌មានពីឡានមួយនោះ ក្រោយមកមិនបង្អង់យូរ រូបលោកក៏បានធ្វើកិច្ចសន្យាទិញរថយន្តនេះភ្លាមៗតែម្តង។
យ៉ាងណាមិញ ហេតុការណ៍មួយនេះដែលបានកើតឡើង ដោយបានផ្តិតចេញជាវីដេអូមួយនេះ ត្រូវបានចែកចាយ លើបណ្តាញសង្គម ដោយគេនឹកស្មានមិនដល់ថា ត្រឹមតែជាអ្នកដឹកជញ្ជូនអាហារ តែមានសមត្ថភាពទិញរថយន្តភ្លាមៗ ដោយមិនគ្រោងទុក ដែលនេះក៏ចាត់ទុកជាមេរៀនផងដែរ ទៅដល់អ្នកលក់ទាំងឡាយ ដែលកុំមើលមនុស្ស តែសំបកក្រៅ៕
សូមទស្សនារូបភាពខាងក្រោម៖