ជប៉ុន៖ ប្លែកភ្នែកទៀតហើយជាមួយនឹងខ្សែភាពយន្តជប៉ុនថ្មីរបស់ Netflix រឿង «Ride or Die» និងជាភាសាជប៉ុនថា «Kanojo (彼女)» ដែលដកស្រង់ចេញពីសៀវភៅគំនូសប្រលោមលោក Manga ដែលមានឈ្មោះថា Gunjo ដែលជាប្រភេទប្រលោមលោកបែបស្នេហារន្ធត់លាយលំនឹងឃាតកម្មដែលកើតចេញពីការស្រលាញ់និងស្អប់របស់ស្ត្រី២រូបដែលស្រលាញភេទដូចគ្នា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សខ្សែភាពយន្តមួយនេះត្រូវបានចូលរួមដោយតារាសម្ដែងស្រីរបស់ជប៉ុនល្បីផងដែរគឺ កញ្ញា Kiko Mizuhara ដែលជាតារាសម្ដែងនឹងជាម៉ូដែល ដែលនាងត្រូវបានគេស្គាល់ថាជាមិត្តជិតស្និតរបស់លោក G-Dragon បន្ទាប់ពីមានពាក្យចចាមរ៉ាមរបស់ពួកគេទាំងពីរថាមានទំនាក់ទំនងស្នេហារយៈពេល៥ឆ្នាំជាប់គ្នានិងវត្តមានរបស់នាងនៅក្នុងខ្សែភាពយន្តមួយចំនួនដូចជា Attack on Titan, Tornado Girl, Helter Skelter និង Norwegian Wood ជាដើម។
យ៉ាងណាមិញ ខ្សែភាពយន្តមួយនេះនឹងបញ្ចេញឱ្យទស្សនានៅលើ Netflix នៅថ្ងៃទី ១៥ ខែមេសា ខាងមុខនេះជាមួយនឹងសាច់រឿងដែលមានដំណាលដែលបង្ហាញពីរឿងនិទាននៃស្នេហានិងការស្អប់ខ្លាំងបំផុតរវាងស្ត្រីពីរនាក់ដែល Rei Nagasawa (សម្ដែងដោយ Kiko) ស្ត្រីស្រលាញ់ភេទដូចគ្នាដែលនាងមានអាយុ ២០ ឆ្នាំនិងអតីតមិត្តរួមថ្នាក់របស់នាង Nanae Shinoda ដែលបច្ចុប្បន្នទទួលរងនូវអំពើហឹង្សាក្នុងគ្រួសារយ៉ាងសាហាវដោយប្តីរបស់នាង។ ដោយស្រលាញ់ Nanae ចាប់តាំងពីវិទ្យាល័យ Rei ក៏សម្លាប់ប្ដីរបស់ Nanae ដើម្បីនាង។ ហើយ Nanae ពោរពេញទៅដោយភាពគួរស្អប់ខ្ពើមនិងការភ័យខ្លាចចំពោះ Rei ដែលបានទៅប្រព្រឹត្តអំពើឃាតកម្មតោះជាដើម្បីនាងក៏ដោយ។ ប៉ុន្តែ Rei ធ្វើអ្វីៗគ្រប់យ៉ាងសម្រាប់គោលបំណងតែមួយគត់គឺចង់ជួយ Nanae ប៉ុណ្ណោះ។ ខណៈពេលដែលកំពុងស្វែងរកស្នេហាពីគ្នាទៅវិញទៅមកទាំង Rei និង Nanae រកឃើញខ្លួនឯងកំពុងតស៊ូជាមួយនឹងអារម្មណ៍មិនត្រូវគ្នា៕
ទន្ទឹងនឹងការរង់ចាំទស្សនាខ្សែភាពយន្តមួយនេះ សូមប្រិយមិត្តទស្សនាខ្សែវីដេអូ Trailer ដូចខាងក្រោម៖