អតីតកីឡាការិនីតេក្វាន់ដូជម្រើសជាតិ ស៊ន សៀវម៉ី ត្រូវបានមហាជនជាច្រើនស្គាល់នាង តាមរយៈការចូលរួចប្រកួត ផ្នែកកីឡាតៃក្វាន់ដូរ។ នាងតែងតែធ្វើឲ្យមហាជនជាច្រើនមានមោទនភាពចំពោះនាង ដោយសារ នាងតែងតែយកមេដៃមាសមកជូនជាតិជានិច្ច ដែលនេះក៏ជាការខំប្រឹងប្រែងរបស់នាងផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សថ្មីៗនេះ លោក ជំទាវ ស៊ន សៀវម៉ី និង លោក កែវ ដេវិត បានធ្វើពិធីសែនព្រេនតិចតូចនៅគេហដ្ឋាន ដោយបានអញ្ចើញតែបងប្អូន ញាតិមិត្ត ស្និទ្ធស្នាលទាំងប៉ុន្មាននាក់ប៉ុណ្ណោះ ដោយសារបច្ចុប្បន្ននេះ ប្រទេសកម្ពុជាកំពុងរងការរីករាលពីជំងឺកូវីដ១៩ ក្នុងសហគមន៍។
ក្រោយសែនព្រេនរួច មកដល់ថ្ងៃទី ២៤ ខែកុម្ភៈ ឆ្នាំ ២០២១ ម្សិលមិញនេះលោកជំទាវ ស៊ន សៀវម៉ី បានបង្ហោះរូបភាពមួយបូករួមនិងពោលពាក្យមួយឃ្លាដ៏ចាក់ដោត ថា “អ្នកជាអ្នក មិនមែនខ្ញុំ ខ្ញុំជាខ្ញុំ មិនមែនអ្នក ខ្ញុំមានក្ដីសុខគ្រប់គ្រាន់ចុះអ្នកវិញ” ធ្វើឲ្យមហាជន និងអ្នកគាំទ្ររបស់ខ្លួនមួយចំនួនចាប់អារម្មណ៍យ៉ាងខ្លាំង។
សូមបញ្ជាក់ថា តាមព្រះរាជក្រឹត្យចេញកាលពីថ្ងៃទី២ ខែកុម្ភៈ ឆ្នាំ២០២១នេះ ព្រះមហាក្សត្របានតែងតាំងកីឡាការិនី ស៊ន សៀវម៉ី ជាជំនួយការសម្ដេចវិបុលសេនាភក្ដី សាយ ឈុំ ប្រធានព្រឹទ្ធសភា មានឋានៈស្មើ អគ្គនាយក បន្ថែមលើមុខងារបច្ចុប្បន្ន ដោយពុំទទួលប្រាក់បំណាច់មុខងារ៕
Bong I.T