នៅពេល​ដែល​ទំនាក់ទំនងស្នេហា​ដើរដល់ផ្លូវបញ្ចប់ ប្រាកដណាស់ថា​អ្នកដែលនៅសល់​ចិត្តស្រឡាញ់​នៅឡើយ​គឺមាន​ភាព​សោកស្ដាយ អាល័យ អានុស្សាវរីយ៍ចាស់ៗធ្លាប់បានសាងជាមួយគ្នា ប៉ុន្តែទោះបីជាយ៉ាងណាក៏ដោយ អ្នកត្រូវ​កាត់​​ចិត្ត​ទទួលយកការពិតថារឿងស្នេហារបស់អ្នកទាំងពីរឈានដល់ទីបញ្ចប់ទៅហើយ។ ដោយឡែកបន្ទាប់ពីបែកគ្នារួចអ្នកទាំងពីរអាចនឹងចាំមើលពីគ្នាទៅវិញទៅមក ហើយបើឃើញមានអ្នកណា​អន់ជាង​ខ្លួន​នោះ គឺអ្នកម្ខាងទៀតខ្លះប្រហែលជាសើចចំអកក៏មាន។ ដូច្នេះបើអ្នកមិនចង់អោយអតីតសង្សារសើចចំអកទេនោះ ដាច់​ខាត​កុំធ្វើរឿងទាំងនេះឲ្យសោះ៖

 / បង្ហាញថាអ្នកនៅតែត្រូវការគេ

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
រូបតំណាង

បើទំនាក់ទំនងស្នេហារបស់អ្នកទាំងពីរបានបញ្ចប់ទៅ ដោយការអស់ចិត្តពីដៃគូម្ខាង អ្នកមិនគួរប្រើប្រាស់នូវ​មធ្យោបាយ​ចង់អោយគេវិលវិញដោយការបង្ហាញថាអ្នកត្រូវការគេ ខ្វះគេមិនបាននោះទេ ព្រោះវាមិនត្រឹមតែគេនោះ​មិន​ត្រឡប់​មករកអ្នកវិញប៉ុណ្ណោះទេ តែគេថែមទាំងមើលងាយអ្នកថែមទៀត។ អ្នកត្រូវដឹងថា ការដែលគេចាកចេញ​ក៏ព្រោះតែគេអស់ចិត្តស្រឡាញ់អ្នកហើយ ការហៅមនុស្សអស់ចិត្តអោយត្រឡប់មកវិញ មិនខុសអីពីអូសឬស្សី​បញ្ច្រាស​ចុងនោះទេ។

/ តាមដានសកម្មភាពរបស់គេ

រូបតំណាង

មនុស្សមួយចំនួនបន្ទាប់ពីបានបែកគ្នាជាមួយសង្សារហើយ តែងកើតមាននូវទម្លាប់តាមដានចង់ដឹងរឿងគេ ចង់ដឹងគេ​ឥឡូវមានអ្នកថ្មី ឬនៅ តើអ្នកថ្មីរបស់គេល្អជាងខ្លួនដែរទេ? ទង្វើនេះវាមិនបានធ្វើអោយអ្នកមានក្ដីសុខនោះទេ គឺមាន​តែយ​ក​បន្លាចាក់បេះដូងរបស់ខ្លួនឯងទៅវិញទេ។

/ បោះបង់ខ្លួនឯង

រូបតំណាង

បន្ទាប់ពីបែកគ្នារួចហាមដាច់ខាត ការមិនខ្វល់ពីខ្លួនឯង ធ្វើអោយខ្លួនឯងទ្រុឌទ្រោម បាយមិននឹក ទឹកមិនស្រេករហូត​រាងកាយចុះខ្សោយ ខូចសុខភាព បាក់សម្រស់ ទង្វើនេះគឺអ្នកធ្វើបាបខ្លួនឯង នឹងធ្វើអោយអតីតសង្សារ​របស់អ្នក​គេវាយ​តម្លៃថាអ្នកជាមនុស្សទន់ជ្រាយ មិនចេះស្រឡាញ់ខ្លួនឯង​​ គេមិនត្រឹមតែមិនអាណិតអ្នកទេ ថាមិនត្រូវគេកាន់តែ​បានចិត្តនឹងសប្បាយលើគំនរទុក្ខរបស់អ្នកទៀតផង។ គួរអ្នករៀនស្រឡាញ់ខ្លួនឯងអោយបានកាន់តែច្រើន មើលថែទាំ​សុខ​ភាពផ្លូវកាយ និងផ្លូវចិត្តអោយបានរឹងមាំ អភិវឌ្ឍសមត្ថភាពរបស់ខ្លួន​ឲ្យ​កាន់តែប្រសើរឡើង​ នោះ​អ្នកប្រាកដ​ជា​ជួប​មនុស្ស​ដែលទទួលយកអ្នកជាអ្នកចូលក្នុងជីវិតគេដោយបេះដូងបរិសុទ្ធមិនខាន៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]