ក្តៅៗ! គាំទ្រ ក្រសួងទេសចរណ៍ សម្រេចបិទផ្អាករាល់អាជីវកម្ម KTV ក្លឹបកម្សាន្ត ខារ៉ាអូខេ ខណៈរីករាលដាលក្នុងសហគមន៍ ២០កុម្ភ:

ភ្នំពេញ: ក្រោយមានការឆ្លងរីករាលដាលនៅក្នុងសហគមន៍ ២០ កុម្ភ: ឆ្នាំ២០២១ រួចមក ព្រមទាំងមានការកើនឡើងជាកំហុកនូវអាត្រានៃអ្នកឆ្លងនៅក្នុងព្រះរាជាណាចក្រកម្ពុជា ក្រសួងទេសចរណ៍ យោងតាមលិខិតលេខ ០៩៦ សជណ, អគឌ បានចេញសេចក្តីប្រកាសបិទផ្អាកនូវរាល់សកម្មភាពភាពអាជីវកម្មដែលក្នុងនោះរួមមាន កម្ម KTV ក្លឹបកម្សាន្ត ខារ៉ាអូខេ រង្គសាល ឌីស្កូដេក និងបៀរហ្កាឌិនជាដើម រហូតដល់មានការជូនដំណឺងសារជាថ្មី។

យោងតាមសេចក្តីប្រកាសនេះ ឯកឧត្តម ថោង ខុន រដ្ឋមន្រ្តី ក្រសួងទេសចរណ៍ ក៏បានអំពាវនាវឲ្យមានការចូលរួម ពីសំណាក់ អភិបាលនៃគណ:អភិបាល ខេត្ត-ក្រុង ស្រុក-ខណ្ឌ រាជធានី បន្តចូលរួម អនុវត្ត និងដាក់ចេញនូវបទបញ្ជាចំបាច់នានាក្នុងការធានាឲ្យបាននូវការទប់ស្កាត់ និងដំណើរការនូវរាល់អាជីវកម្មទាំងនោះ។

គួររំលឹកផងដែរថា​ ការជាប់ពាក់ព័ន្ធនិងមូលហេតុចម្បងនៃការឆ្លងនៅក្នងសហគមន៍២០ កុម្ភ: ឆ្នាំ២០២១ ក៏មានជាប់ទាក់ទិននឹងក្លឹបកម្សាន្តមួយកន្លែងផងដែរ៕