ដល់កហ្មង! សុនកមួយក្បាលភ័យសំឡេងផាវខ្លាំងពេក ស្រាប់តែរុលចូលដល់ថ្នាក់ជាប់ក្នុងជញ្ជាំងផ្ទះ អំពល់ទុក្ខគេឯងមកជួយរំដោះវាលាន់ (មានវីដេអូ)

ចិន៖ មហាជនអ្នកប្រើប្រាស់បណ្ដាញសង្គមជាច្រើន បានសម្ដែងអារម្មណ៍ហួសចិត្ដ និងអស់សំណើចផងដែរ អំពីសុនកមួយក្បាលដែលជាប់ខ្លួន​នឹងជញ្ជាំងផ្ទះ ក្រោយវាព្យាយាមលាក់ខ្លួនពីសំឡេងផាវផ្ទុះ។

យោងតាមប្រភពព័ត៌មានបានឲ្យដឹងថា ករណីហួសចិត្ដខាងលើនេះបានកើតឡើងនៅថ្ងៃទី១៣ ខែកុម្ភៈ អំឡុងពេលប្រជាជនប្រារព្ធពិធីបុណ្យចូលឆ្នាំថ្មីប្រពៃណីចិន ហើយសុនកមួយក្បាលនេះ បានជាប់នឹងជញ្ជាំងជាន់ទីបួននៃអគារលំនៅដ្ឋានមួយ ស្ថិតក្នុងទីក្រុង Yancheng ភាគខាងកើតខេត្ដ Jiangsu ប្រទេសចិន។

ជុំវិញករណីនេះ អ្នកជិតខាងបាននិយាយថា សុនកពូជ Mutt មួយក្បាលនេះ វាភិតភ័យខ្លាំងដោយសារសំឡេងផាវផ្ទុះ ប៉ុន្ដែក៏មិនមាននរណាម្នាក់ដឹងថា វាអាចរុលចូលក្នុងជញ្ជាំងដល់ថ្នាក់ជាប់បែបនេះ បានដោយយ៉ាងម៉េចទេ។

នៅទីបំផុត ក្រោយអ្នកជិតខាងបានរាយការណ៍ទៅប៉ូលិស មិនយូរប៉ុន្មានក្រុមអ្នកជួយសង្គ្រោះក៏បានមកដល់ទីតាំងកើតហេតុ ដោយពួកគេបានប្រើញញួរវាយបំបែកជញ្ជាំងថែមបន្ដិច ដើម្បីអាចរំដោះសុនកចេញបាន ហើយវាក៏មិនមានរងរបួសអ្វីធ្ងន់ធ្ងរនោះដែរ៕

សូមទស្សនារូបភាព និងវីដេអូខាងក្រោម៖