អ្នកវិទ្យាសាស្ត្រក្លូនប្រភេទសត្វសំពោចដែលជិតផុតពូជរបស់សហរដ្ឋអាមេរិកជាលើកដំបូង បានដោយជោគជ័យ (មានវីដេអូ)

//s9.kh1.co/c5/c50ef3ffc7a79f84f27feba873f4cd27b014b403.jpg
បច្ចេកវិទ្យា

 ១៩-កុម្ភៈ-២០២១ ៣ល្ងាច · ៣ ឆ្នាំមុន

ចុះបើយក DNA របស់ដាយណូស័រមកក្លូនវិញ?

អាមេរិក៖ អ្នកវិទ្យាសាស្ត្របានក្លូនប្រភេទសត្វជិតផុតពូជរបស់សហរដ្ឋអាមេរិកដំបូងបង្អស់ ដែលជាសត្វសំពោច​ស្បូវ (black-footed ferret) ដែលហ្សែនវាត្រូវបានចម្លងពីហ្សែនរបស់សត្វមុនដែលបានងាប់ជាង30ឆ្នាំមកហើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គេបានប្រកាសកាលពីថ្ងៃព្រហស្បតិ៍ថា សត្វដែលក្លូនមានឈ្មោះថា Elizabeth Ann កើតនៅថ្ងៃទី10 ខែធ្នូ។ គេបានបញ្ជាក់ផងដែរថាវាមិនសូវស្លូតនោះទេ។

សត្វសំពោច​ស្បូវដែលក្លូនបាន (U.S. Fish and Wildlife Service via AP)
សត្វសំពោច​ស្បូវដែលក្លូនបាន (U.S. Fish and Wildlife Service via AP)

សត្វសំពោចស្បូវ Elizabeth Ann បានកើតនិងកំពុងត្រូវបានចិញ្ចឹមនៅឯ Fish and Wildlife Service នៅកន្លែងបង្កាត់សត្វសំពោចស្បូវនៅ Fort Collins រដ្ឋ Colorado។ វាត្រូវបានក្លូនចេញពីហ្សែនរបស់សំពោចមួយឈ្មោះ Willa ដែលបានងាប់ក្នុងឆ្នាំ1988 ហើយសាកសពរបស់វាត្រូវបានដាក់ក្លាសេឱ្យកកដោយប្រើបច្ចេកវិទ្យា DNA នៅជំនាន់នោះ។

ការក្លូនគឹអាចនាំយកសត្វដែលផុតពូជមកវិញបាន ដូចជាសត្វព្រាបព្រៃ (passenger pigeon) ជាដើម។ ក្នុងពេលបច្ចុប្បន្នបច្ចេកទេសមានភាពជឿនលឿនច្រើនក្នុងការជួយដល់ប្រភេទសត្វដែលជិតផុតពូជ រួមមានសេះព្រៃម៉ុងហ្គោលីដែលត្រូវបានក្លូន ហើយកើតនៅឯរដ្ឋតិចសាស់។

សត្វសំពោច​ស្បូវដែលក្លូនបាន (U.S. Fish and Wildlife Service via AP)
សត្វសំពោច​ស្បូវដែលក្លូនបាន (U.S. Fish and Wildlife Service via AP)

កាលពីមុនគេគិតថាសត្វសំពោចស្បូវបានផុតពូជទៅហើយ ដោយសារតែបាត់បង់ទីជម្រក រហូតដល់ថ្ងៃមួយឆ្កែមួយក្បាលឈ្មោះ Shep ពាំសំពោចស្បូវងាប់មួយមកផ្ទះវិញនៅ Wyoming ក្នុងឆ្នាំ1981 ទើបគេដឹងថាសត្វប្រភេទនេះមិនទាន់ផុតពូជនៅឡើយ។

នៅក្នុងការអភិរក្សប្រភេទសត្វនេះ អ្នកវិទ្យាសាស្ត្របានប្រមូលសត្វសំពោចស្បូវដែលនៅសេសសល់ ដាក់ចូលក្នុងកម្មវិធីបង្កាត់ពូជដែលក្រោយមកត្រូវបានព្រលែងទៅវិញរាប់ពាន់ក្បាលនៅទីតាំងរាប់សិបកន្លែងនៅភាគខាងលិចសហរដ្ឋអាមេរិក កាណាដា និងម៉ិកស៊ិកចាប់តាំងពីទសវត្សឆ្នាំ1990មក៕

វីដេអូ
Thann Ravann
ថាន់ រ៉ាវណ្ណ

អត្ថបទទាក់ទង

//s9.kh1.co/ef/ef760b0f811b181012cac2058b3a6e5f6a63de52.jpg

ក្រុមហ៊ុន Epson សូមណែនាំ EcoBear ជាទូតសុច្ឆន្ទៈតំណាងឱ្យម៉ាស៊ីនព្រីនម៉ូឌែល EcoTank និងបានត្រៀមខ្លួនជាស្រេចដើម្បីនាំយកបច្ចេកវិទ្យាមិនប៉ះពាល់បរិស្ថានដល់វិស័យអាជីវកម្មកម្ពុជា

 ២១-មីនា-២០២៤ 
 ១ល្ងាច · ៨ ថ្ងៃមុន
រក្សាសិទ្ធិ Mediaload
Powered by Bong I.T Bong I.T