សំនួរដែលយើងតែងតែស្ដាប់ឮពីប្អូនៗនិស្សិតជារឿយៗថាតើ គួរតែរៀនចប់ចាំរកការងារធ្វើ ឬក៏រៀនផងស្វែងរកការងារផង? យ៉ាងណាមិញសូមប្រាប់ទៅចុះណាពេលដែលអ្នកយក CV ទៅដាក់ស្វែងរកការងារធ្វើនៅក្រុមហ៊ុន ឬអង្គភាពណាក៏ដោយ ក៏គេតែងតែស្វែងរកអ្នកបទពិសោធន៍លើការងារនោះដែរ។ ចុះបើចាំចប់ឆ្នាំទី៤ ចាំរកការការធ្វើ តើអ្នកមានបទពិសោធន៍មកពីណាទៅ? ហើយនេះជាមូលហេតុចម្បងមួយផងដែរ ដែលនិស្សិតភាគច្រើនតែងតែត្អូញត្អែរពីរឿងអត់ការងារធ្វើ បន្ទាប់ពីបញ្ចប់ការសិក្សារួច។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សខាងក្រោមនេះជាហេតុផលសំខាន់បំផុតដែលអ្នកគួរតែដឹង ថាតើហេតុអ្វីចាំបាច់ត្រូវរកការងារធ្វើចាប់តាំងពីឆ្នាំទី១ មក៖
១. ពិបាករកការងារធ្វើ នៅពេលរៀនចប់
គ្មានបទពិសោធន៍ការងារ មិនដែលប្រឡូកក្នុងការងារ ឬស្ម័គ្រចិត្តក្នុងការងារណាមួយ អ្នកនឹងប្រឈមនឹងផលលំបាកមួយនេះ គឺរៀនចប់ហើយ តែគ្មានការងារធ្វើ។
២. ការងារមិនសមនឹងសមត្ថភាពរបស់អ្នក
ក្រុមហ៊ុន ឬស្ថាប័នជាច្រើនរើសមនុស្សធ្វើការ តែការងារទាំងនោះបែរជាមិនសក្តិសមនឹងអ្នក ព្រោះអ្នកគ្មានសមត្ថភាពឈោងចាប់ការងារទាំងនោះ ដោយសារតែអ្នកមិនមានបទពិសោធន៍ការងារ។
៣. ប្រាក់ខែមិនសមតម្លៃ
អ្នកត្រូវដឹងរឿង១ ប្រសិនអ្នកគ្មានបទពិសោធន៍ការងារ កុំសង្ឃឹមណា ថាអ្នកអាចទទួលបានប្រាក់ខែខ្ពស់ តាមចិត្តដែលអ្នកចង់បាន។
៤. ខាតពេលយ៉ាងច្រើន គ្រាន់តែដើររកការងារធ្វើ៖
អត់បទពិសោធន៍ការងារ ពិបាកបន្តិចហើយក្នុងការរកការងារធ្វើ៕
Bong I.T