គ្រួសារក៏មានក្ដីសុខ ខុនដូក៏ទើបទិញ ពេលនេះ ខៀវ សានសាណា បង្អួតរថយន្តលំដាប់សេដ្ឋីRolls Royce ថ្មីទៀត

រាជធានីភ្នំពេញ៖ ពិតណាស់ ខៀវ សានសាណា ជាពិធីការិនីដែលមានទេពកោសល្យភាសាអង់គ្លេសយ៉ាងស្ទាត់ជំនាញ ដែលភាគច្រើនមានវត្តមានក្នុងពិធីផ្លូវការធំៗរបស់ជាតិ និងអន្តរជាតិប្រព្រឹត្តទៅនៅក្នុងប្រទេសកម្ពុជាយើង។

ជាក់ស្តែង ដោយសារតែមានភាពរវល់ មើលថែទាំគ្រួសាររបស់ខ្លួន ជាហេតុធ្វើឲ្យ សានសាណា បានបន្ធូរការងារក្នុងអាជីពសិល្បៈច្រើនគួរសម ដោយភាគច្រើន គេតែងឃើញ ពិធីការិនីរូបនេះ ក្នុងកម្មពិធីធំៗបែបអន្តរជាតិមួយចំនួន។

គួរបញ្ជាក់ផងដែរថា ក្រោយពេលបាត់មុខមួយរយៈពេលសោះ ស្រាប់តែពេលនេះ សានសាណា បានបង្អួតរថយន្តស៊េរីខ្ពស់ តម្លៃកប់ ដោយគេឃើញ មានតារាខ្មែរតិចណាស់ ដែលជិះរថយន្តម៉ាកនេះ ក្នុងStory គណនីហ្វេសប៊ុក។

គួរបន្ថែមថា រថយន្តនោះ គឺម៉ាក Rolls Royce អ្វីដែលកាន់តែគួរឲ្យចាប់អារម្មណ៍នោះគឺ ស្លាកលេខរថយន្តនោះ គឺមានឈ្មោះរបស់ពិធីការិនីរូបនេះ ដូចនេះហើយ ទើបសបញ្ជាប់បានថា រថយន្តនេះជារបស់នាង៕  

បើចង់ដឹងឲ្យកាន់តែច្បាស់នោះ តោះទៅមើលរូបភាពខាងក្រោម ៖