យល់ដឹង៖ ក្ដីស្រមៃរបស់មនុស្សម្នាក់ៗមានភាពខុសប្លែកពីគ្នាពីមនុស្សម្នាក់ទៅមនុស្សម្នាក់ទៀត។ យ៉ាងណាមិញដើម្បីបំពេញនូវក្ដីសុបិនរបស់ខ្លួនឲ្យបានសម្រេចពួកគេតែងតែខិតខំយ៉ាងពេញទំហំអស់ពីកម្លាំងកាយចិត្ត ដោយសង្ឃឹមយ៉ាងមុតមាំថានឹងទទួលបានជោគជ័យ។ តែបើសិនជាវាបរាជ័យតើអ្នកនឹងមានអារម្មណ៍បែបណា? ពួកគេមិនបានដឹងទេថា ទង្វើខ្លះមិនត្រឹមតែមិនបានជួយអ្នកឲ្យជោគជ័យ ហើយថែមទាំងបង្ហាញប្រាប់គេឯងថាអ្នកកំពុងតែបំផ្លាញខ្លួនឯងទៀតផង តួយ៉ាងដូច ៥ ចំណុចខាងក្រោម៖
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស៤. រស់តាមការរំពឹងទុករបស់គេ
ប្រសិនបើជានិច្ចកាលអ្នកតែងសម្រេចចិត្តធ្វើអ្វីមួយតាមការរំពឹងរបស់អ្នកដទៃ ឬមនុស្សជុំវិញខ្លួនមិនថាគ្រួសារ មិត្តភក្ដិ ឬ មិត្តប្រុស ដោយមិនបានធ្វើតាមបេះដូងរបស់ខ្លួននោះអ្នកកំពុងតែរស់នៅតាមការរំពឹងទុករបស់គេហើយ។
៣. ចូលចិត្តនៅមួយកន្លែង
អ្នកណាក៏ចូលចិត្តនៅកន្លែងដែលសុខស្រួល គ្មានហានិភ័យ គ្មានការខ្វាយខ្វល់អ្វីនោះដែរ តែដឹងអត់ថាកន្លែងដែលសុខស្រួលនោះច្រើនគ្មានផ្ដល់នូវភាពរីកចម្រើនដល់អ្នក? ជាក់ស្ដែង អ្នកគួររៀនសាកល្បងនូវអ្វីដែលថ្មី ហើយខុសពីអ្វីដែលអ្នកធ្លាប់ឆ្លងកាត់ខ្លះ ព្រោះថាជីវិតមានរឿងច្រើនណាស់ដែលអ្នកអាចរៀនសូត្របាន។
២. គិតថាខ្លួនល្អឥតខ្ចោះ
ទោះអ្នកពូកែយ៉ាងណាក្ដី គួររៀនចេះដាក់ខ្លួន ហើយទទួលយកនូវមេរៀន និងគំនិតល្អៗ ថ្មីៗរបស់គេឯងមកដាក់ក្នុងខ្លួនបន្ថែមទើបជាការល្អ ជៀសជាងតាំងខ្លួនជាមនុស្សចេះដឹងគ្រប់សព្វហើយមិនព្រមទទួលយកគំនិតអ្នកណាទាំងអស់ក្រៅពីគំនិតរបស់ខ្លួន ព្រោះយល់ថាគ្មានអ្នកណាម្នាក់មានសមត្ថភាពលើសខ្លួននោះឡើយ។
១. ចូលចិត្តប្រៀបធៀប
មនុស្សម្នាក់ៗសុទ្ធតែមានខ្សែជីវិតផ្សេងៗគ្នា រឿងដែលពួកគេឆ្លងកាត់ក៏ខុសៗគ្នា ដូច្នេះ យកល្អគប្បីចេះអបអរនូវអ្វីដែលខ្លួនមាន ហើយស្រឡាញ់អ្នកជាខ្លួនអ្នក។ គ្មានអ្វីដែលបានមកដោយគ្មានការខិតខំប្រឹងប្រែងនោះទេ ព្យាយាមធ្វើកិច្ចការដែលអ្នកចង់ធ្វើឲ្យប្រសើរបំផុតនៅថ្ងៃនេះ នៅថ្ងៃណាមួយវានឹងជោគជ័យពុំខានឡើយ រៀនសប្បាយចិត្តនូវអ្វីដែលខ្លួនមាន រៀនសាទរនូវអ្វីដែលយើងអាចធ្វើបាន៕
Bong I.T