អួតទៀតហើយ! តា Koeman ថាប្រាំឆ្នាំទៅមុខទៀត កីឡាករ Barca ម្នាក់នេះនឹងលេងល្អជាងកីឡាករ PSG ទាំងអស់

អេស្ប៉ាញ៖ ដូចដែលដឹងហើយថាតាំងពីរដូវកាលមុន ក្លិបអ្នកមានបុណ្យ Barcelona ហាក់ដូចជាធ្លាក់ទម្រង់លេងខ្លាំងណាស់ក្រោយភ្លាត់ចាញ់ Bayern Munich ក្នុងលទ្ធផលដ៏អាក្រក់ ៨-២ នៅក្របខណ្ឌ Champions League រដូវកាលមុនដែលបង្កជាសុបិនអាក្រក់ដល់កីឡាករ Barcelona គ្រប់ៗគ្នាមិនលើកលែងសូម្បី ខ្សែប្រយុទ្ធ Lionel Messi ដែលជាប្រធានក្រុម។

ដើម្បីស្តារក្រុមឡើងវិញ Barcelona បានទិញយកកីឡាករក្មេងៗដូចជា Pedri Gonzalez, Francisco Trincao, Sergino Dest និងយកកីឡាករមកឈុត B ដូចជា Ansu Fati និង Oscar Mingueza ជាដើមខណៈដែលគ្រូបង្វឹកចាស់ Quique Setien ត្រូវបណ្ដេញចេញពីតំណែងជំនួសវិញដោយលោកគ្រូបង្វឹកសញ្ជាតិហូឡង់ Ronald Koeman ដោយសង្ឃឹមថាក្រុមនឹងផ្លាស់ប្ដូរប៉ុន្តែក្រោយបរាជ័យ ៤-១ ទល់នឹង Paris Saint-Germain នៅទឹកដី Camp Nou ខ្លួនឯង អ្នកគាំទ្រជាច្រើនបានរិះគន់ទាំងកីឡាករនិងគ្រូបង្វឹកជាហូរហែរ។

យ៉ាងណាមិញ ទោះទទួលស្គាល់ថា PSG ជាក្រុមខ្លាំងជាង Barcelona ក៏លោកគ្រូបង្វឹក Koeman នៅតែបោះសម្ដីអួតអាងថា ខ្សែបម្រើវ័យក្មេងទើបនឹងផ្លាស់ពីក្លិប La Palmas គឺ Pedri Gonzalez នឹងក្លាយជាខ្សែបម្រើវ៉ាដាច់ខ្សែបម្រើទាំងអស់នៅ PSG នាប្រាំឆ្នាំទៅមុខទៀតផង។

លោកគ្រូបានថ្លែងថា៖

Pedri ត្រូវបានគេចាត់ទុកថាជាកីឡាករដែលលេងលេចធ្លោណាស់ក្នុងការប្រកួតទល់នឹង PSG ដោយគេបានបោះបាល់និងបញ្ជូនបាល់ចំគោលដៅច្រើន ចេះញាក់បាល់យ៉ាងល្អទៀតផងដែលធ្វើឲ្យលោកគ្រូ Koeman ដាក់ឲ្យជាប់ជម្រើស១១នាក់ដំបូងញឹកញាប់ណាស់។

លោកគ្រូក៏បានថ្លែងក្នុងវីដេអូឯកសារពេលលោកគ្រូទើបតែមកដឹកនាំក្រុមBarcelona ថ្មីៗបន្ទាប់ពីចូលមើលក្រុមហ្វឹកហាត់ជាលើកដំបូងដោយលោកគ្រូបាននិយាយពី Pedri ថា៖

គួររម្លឹកផងដែរថា Pedri Gonzalez ត្រូវ Barcelona ទិញយកពីក្លិបលេងនៅលីគលេខ២ La Palmas និងបានចូលលេងឲ្យក្លិបបាន៣៤ដងហើយ៕

ប្រភព៖ mirror